सर्पोट नेपालको महत्व र आवश्यकता

दक्षिण कोरियामा सामाजिक  लगभग ७० को हाराहारीमा नेपाली संस्थाहरु क्रियाशील छन् ।धेरैंजसो हरेक हप्ता शनिबार र आईतबार छुट्टीको दिन पारेर नेपाली होटेल रेष्ट्रोरेण्टमा आ-आफनैं तरिकाले रमाईरहेका हुन्छन् । यति धेरैं संघसंस्था भए पनि खासैं काम भने केही गरेको देखिदैंन् भने केहि संस्थालेले राम्रो काम पनि गर्दै समाजमा राम्रो संदेश दिदै समाज र राष्ट्रको हितको सकारात्मक रचनात्मक कार्य पनि गर्दै आएको छ |

सलनाल र छुसकमा सांस्कृतिक कार्यक्रम गर्ने,नेपाली फिल्महरु प्रर्दशन,डान्स पार्टी लगायत यस्तैं यस्तैं मनोरञ्जनमा रमाईरहेका हुन्छन्,त्यस भीडमा फरक नाम र काम बोकेको संस्थाको नाम हो सर्पोट नेपाल । नेपालीले नेपालीलाई र आफ्नो राष्ट्रको निम्ति सहयोग गर्ने हेतुले तदर्थ बोर्ड समितिको अध्यक्ष विनोद कुँवर  र कार्यकारि प्रमुख यज्ञराज सुबेदीको प्रमुख पहलमा कोरियामा सामाजिक कार्यमा जुझारु सकृय युवाहरुको  तदर्थ समिति बनाइ दर्ता गरि सन २०१५ को अप्रिल २६ मा कोरियामा सर्पोट नेपालको स्थापना भएको हो ।कोरियन सरकारमा भने यो संस्था मे ५ तारिखमा दर्ता भएको हो ।

२०७२ साल बैंशाख १२मा आएको विनाशकारी भुकम्पपछि राष्ट्रप्रेमले ओतप्रोत भएर राष्ट्रको लागि निश्वार्थ रुपमा राहत प्रदान गर्ने हेतुले यो संस्थाको स्थापना गरिएको हो ।नेपाल र कोरियामा कानुनी प्रावधान अनुरुप दर्ता भएको संस्था एसियन हयुमन राइट फोरम र नेपाल योङ्ग स्टार फाउन्डेसन नामक सामाजिक संस्थासंग सपोर्ट नेपालले संझौंता गरेर कार्य योजना बढाई अघि बढेको संस्था हो ।भुकम्प लगतैं कोरियामा स्थापना भएको यो संस्थाले सिन्धुपाल्चोक,गोरखा,काभ्रे,नुवाकोट,धादिंग,रसुवा, रामेछाप ,मकवानपुर,दोलखा लगायतका भुकम्पग्रस्त क्षेत्रमा करिब रु ३० लाख बराबरको चामल,टेन्ट वितरण गरेको थियो ।

भुकम्पग्रस्त क्षेत्र गोर्खाको टौंकोटमा सय बोरा चामल,टेन्ट, कास्कीको जतेश्वर मा वि मा १२ बन्डेल जस्ता पाता, विधालय सामाग्री,सिन्धुपाल्चोकको पेत्कुमा ५० बोरा चामल,विशंखु,ठुलो धादिंग र अत्तरपुरमा ७५ वटा पाल,सेतीदेवी मा वि ३० बन्डेल जस्ता पाता र धुस्कन,शुखनी,फुलपींगकोटमा १सय ५० बोरा चामल र बरम्चीमा ३० बोरा चामल प्रदान गरेको थियो ।त्यसैंगरी नुवाकोट,धादिंग,रसुवा, काभ्रे,सिन्धुपाल्चोक आदि भुकम्प ग्रष्ट ठाउँमा पनि अति आवश्यक सामाग्री चामल र पाल वितरण गरेको थियो ।

आपत विपतमा परेका नेपालीको सुखदुखमा साथ दिने उद्देश्यका साथ यो संस्थाले अल्पकालीन र दीर्घकालीन योजना निर्माण गरेर अघि बढेको छ ।

कोरियाको केहि नेपाली संघ संस्थासँग सहकार्य गर्दै आएको यस संस्था अझै सामाजिक कार्यमा सकृय सामाजिक अभियन्ता, बुद्दिजिबि,बिद्यार्थी, दिग्गज, ब्यापारी, पत्रकार, आदि सबै सकारात्मक चिन्तन बोकेकाहरुलाई ऐक्युबद्ध गराइ सबैलाई समेटी संस्थालाई चुस्तरुपमा विवादरहित तरिकाले पवित्र सामाजिक परोपकारी संस्थाको रुपमा बिकास बिस्तार गरि अघि बढाउने योजना समेत रहेको र यसबारेमा आन्तरिक छलफल भइरहेको कुरा यस संस्थाको संस्थापक सदस्य यम श्रेष्ठ बताउँछन् ।

सर्पोट नेपालको उद्देश्यहरु

१.कोरियाको बिधान अनुरुप दर्ता भएको बढी प्रचार बाजी संघ संस्था भन्दा नेपालीको र नेपालको हितमा सदैब सेवा गर्ने ।

२.कोरियाको नेपाली समुदायको संघ संस्था र कोरियाको बिदेशी सरकारी गैर संघ संस्था संग सहकार्य र हातेमालो गर्दै आएको र आउँदा दिनमा पनि गर्दै जाने ।

३.सम्पूर्ण कोष कानुनी नीति नियम अनुरुप अडिट हुने हुँदा कोष सदैब पारदर्शी रहने ।

४.नेपालमा भबितब्य आइपर्ने हरेक समस्या र पिडामा सकेको सहयोग गर्ने ।

५.शिक्षा र स्वास्थ्य क्षेत्रलाई आधार बनाएर सहयोग जुटाउने र सहयोग

गर्ने।

हालसम्म सर्पोट नेपालले गरेको कामहरु

भुकम्पपिडितको राहतको निम्ति भुकम्प ग्रषित सम्पूर्ण जिल्लाहरुमा राहत खाध्य सामाग्री ,टेन्ट  , जस्ता राहत सामग्री वितरण गरिएको |

हाल भूकम्पबाट प्रभावित बिस्थापित स्कुलहरु प्रत्येक भुकम्प प्रभावित क्षेत्रमा एउटा एउटा स्कुल बनाउन लागिपरेको हालसम्म सिलान्यास तथा बनाउदै गरेको स्कुलको विवरण

१.कुम्भेश्वर मा. बि. सुनखानी नुवाकोट

२.श्री भैरब मा।बि च्यामराङबेसी, काभ्रे

३.श्री जलेश्वरी नि।मा।बि भोटेचौर सिन्धुपाल्चोक

सर्पोट नेपालले हाल ३ वटा बिध्यालय शिलान्यास गरि बनाउदै गरेको,अन्य जिल्लाहरुमा पनि सर्वेक्षण गरि बनाउने योजना लिएको छ ।त्यसको साथैं अनाथ असाहय गरिब जेहेन्दार सय जना विद्यार्थीलाई छात्रवृत्ति प्रदान गर्ने योजना समेत अघि सारेको छ ।जसमा सम्पूर्ण कोरियामा रहनुभएका नेपाली समुदायसंग सहकार्य र हातेमालो गर्दै जाने भएको छ ।

यो संस्थाको नाममा हालसम्म संकलन भएको जम्मा सहयोग रकम कोरियामा ७ करोड ८१ लाख ८० हजार ५ सय सात वन जम्मा गर्न भएको छ भने जसमा ४ करोड वन नेपाल पठाईएको सर्पोट नेपालका कार्यलय सचिव के पी चौंलागाई बताउछन् । २ वटा स्कुल निर्माणको लागि सहयोग फच्यौंट गर्न बाँकी छ ।

कोरियामा रहेका नेपालीहरु र कोरियन संस्थाबाट विशेष सहयोग जुटाउदैं आएको यो संस्थाले विश्व भरी छरिएर रहेको नेपाली समुदायमा सहकार्य र सहयोगको अपेक्षा गरेको छ ।

गर्नेहरुको लागि जहाँ पनि जसरी नी गर्छन तर नगर्नेहरु संसारको जुनसुकैं ठाँउमा गएर पनि केही गर्न सक्दैंनन् ।केही गर्न चाह बोकेर सामाजिक कार्यमा हात अघि बढाएको सर्पोट नेपाललाई हाम्रो पनि सलाम छ । थोपा थोपा मिलेर नैं समुद्र बन्छ, सर्पोट नेपालको भुकम्पपिडित बालबालिकाको लागि शिक्षा योजनामा तपाई पनि सहभागी बन्न सक्नुहुन्छ ।हाम्रो सन्तानको भविष्य हाम्रैं हातमा ।

कोरियामा जुनसुकैं ठूलो भनिएका संघसंस्थाहरु राजनीतिक भर्तिकेन्द्र, आषन ग्रहण, भाषण,खादा र पदमुखिको लालची रहेको भनि बेला बेलामा बिबाद र चर्चा चलिरहेको हुन्छ तर यो संस्थामा पनि भविष्यमा यस्तो तितो यथार्थ नदोहोरियोस् ।सफलाताको शुभकामना ।