ससफो कोरियाद्वारा बन्दना राईलाई सम्मान तथा बिदाई , धन रुपा क्षेत्रि पार्टी प्रवेश

सोल/कोरिया- संघिय समाजबादी फोरम नेपालको प्रवास संगठन संघीय समाजबादी फोरम कोरियाले बन्दना राईलाई सम्मान तथा बिदाई कार्यक्रम सम्पन्न गरेको छ । उनी संगै ससफो कोरियाको सदस्य हरु मान ब. वाईबा र दुर्गा आङबोहाङ् लाई पनि बिदाई तथा सम्मान गरेको छ । गत ३ तारिक आईतबार दोंगदेमुनको पुजा रेस्टुरेन्टमा ससफो कोरियाले आयोजना गरेको कार्यक्रममा उनी सहित २ जना सदस्यहरु लाई सम्मान तथा बिदाई गरेको हो । राई ससफो कोरियाको कोषाध्यक्ष हुन् ।

नेपाल रहँदा अमेरिकन दुताबासमा काम गर्दा गर्दै रोजगारी अनुमति प्रणाली (ईपीएस) अन्तरगत द.कोरिया आईपुगेकी उनी चार बर्ष दस महिना अबधि पुरा गरी यहि जनवरी ६ मा नेपाल फर्किन लागेकी हुन् । कोरिया रहँदा उनी एकीकृत सिर्जनसिल अनाथालय द. कोरियाको संस्थापक अध्यक्ष तथा ससफो कोरिया र किराँत राई यायोख्खा द.कोरियाको कोषाध्यक्ष पदमा रही सामाजिक सेवामा सक्रिय रहेकी थिईन ।

सम्मान तथा बिदाई कार्यक्रमका प्रमुख अतिथि जनजाती महासंघ द. कोरियाका अध्यक्ष चित्र ब. मोक्तानले खादा तथा दोसल्ला ओढाई सम्मान तथा बिदाई गरेका थिए । साथै आगामी दिनमा ब्यतिगत, सामाजिक तथा राजनैतिक क्षेत्रमा सफल रहिरहोस भनि कामना गरेका थिए ।

कार्यक्रमको अन्त्यमा ससफो कोरियाका अध्यक्ष देबराज स्याङ्तानले आगामी दिन सफल र सवल रहोस भनि दोसल्ला ओढाई सम्मान तथा बिदाई गरेका थिए । यसै गरी किरात राई यायोख्खा अध्यक्ष दिनेश राई, खोटांग सेवा समाज अध्यक्ष अमृत राई र ससफो कोरियाका सम्पूर्ण पदाधिकारी हरुले खादा तथा दोसल्ला ओढाई सम्मान तथा बिदाई गरेका थिए ।

बिदाई कार्यक्रममा बोल्दै बन्दना राईले आफुलाई बिदाई तथा सम्मान गरकोमा हार्दिक धन्यवाद ज्ञापन गरिन र आगामी दिनमा सामाजिक र राजनैतिक छेत्रमा निरन्तर लागी रहने प्रतिबद्धता व्यक्त गरिन ।

धन रुपा क्षेत्रि संघिय समाजबादीमा पार्टी प्रवेश

संघीय समाजबादी फोरम नेपालको प्रवास संगठन ससफो कोरियामा धन रुपा छेत्रीले  पार्टी प्रवेश गरेकी छिन् । गत ३ तारिक आईतबार दोंगदेमुनको पुजा रेस्टुरेन्टमा ससफो कोरियाले आयोजना गरेको सम्मान तथा बिदाई कार्यक्रममा उनी पार्टी प्रवेश गरेकी हुन् ।

ससफो कोरियाको अध्यक्ष देवराज स्याङ्तान धन रुपा छेत्री लाई सपथ खुवाउदै -फोटो जीबी

ससफो कोरियाका अध्यक्ष देबराज स्याङ्तानले सपथ खुवाई पार्टी प्रवेश गराएका हुन् । पार्टी प्रवेश पछी छेत्रीले राज्य सरकार विभेद गरिएका सम्पूर्ण जात जाती पनि नेपाली नै हुन् र त्यस्ता विभेदकारी नीतिको विरुद्धमा सम्पूर्ण जात जाती एक भै हक र अधिकारको लागी आवाज उठाउनु पर्ने कुरामा जोड दिए ।