लगानीको अवसर मेरो माइक्रोफाइनान्सको आईपिओ आउदै
काठमाडौं – नुवाकोटको मेरो माइक्रोफाइनान्स वित्तीय संस्था लिमिटेड (MMBSL) ले ६ लाख १२ हजार कित्ता साधारण शेयर निष्काशन गर्ने भएको छ । भर्खरै सम्पन्न संस्थाको तेस्रो वार्षिक साधारण सभाले पौष महिना भित्र ६ करोड १२ लाख रुपैयाँ बराबरको साधारण शेयर सर्वसाधारणका लागि जारी गर्ने प्रस्ताव पारित गरेको हो ।
चुक्ता पूँजी १३ करोड ८८ लाख रुपैयाँ रहेको संस्थाले चुक्ता पूँजी बृद्धि गरि २० करोड रुपैयाँ पु¥याउने लक्ष्यका साथ साधारण शेयर जारी गर्न लागेको प्रमुख कार्यकारी अधिकृत रामहरि दाहालले जानकारी दिए ।
संस्था संचालनको दोश्रो वर्षमा नै संस्थाले रु. १ अर्ब १८ करोड ऋण लगानी गरि साढे छ करोड रुपैयाँ सञ्चालन मूनाफा आर्जन गरेको छ ।
संस्थाले चालु आ.व.को अन्त्यसम्ममा थप १३ जिल्लामा १५ बढी शाखाहरु थप गरि ४५ शाखा कार्यालयहरु मार्फत ग्राहक सदस्यहरु ५२,३४२ पुर्याउने र ३८,६९८ ऋणीहरुलाई झण्डै दुई अर्ब लगानी गर्ने योजना रहेको दाहालले बताए ।
