कोरियामा राजनीति गरेको भन्दै एमाओबादी संगठनका अध्यक्ष न्यौपानेलाई पक्राउ गरेर नेपाल फिर्ता पठाईयो

लिलु डुम्रे

सोल-राजनीतिमा लागेको कारण देखाई दक्षिण कोरियाको अध्यागमन बिभागले पक्राउ गरि एक नेपालीलाई फिर्ता गरेको छ ।

एमाओवादीको भगिनी संगठन जनअधिकार मंच दक्षिण कोरियाका अध्यक्ष सागरराज न्यौपानेलाई सुक्रबार नेपाल पठाएको हो । न्यौपानेसंगै उनकी श्रीमतीलाई पनि अध्यागमनले पक्राउ गरेको थियो ।

चार बर्ष दश महिनाको कार्यावधि सकेर न्यौपाने डीपेन्शी भिषा अन्तर्गत कोरिया रहेका थिए भने उनकी श्रीमती दुर्गा न्यौपाने बिद्यार्थी भिसामा अध्ययनरत थिइन । अक्टोबर १५ मा न्यौपाने दम्पतिको कोठामा अध्यागमन कर्मचारीले खानतलासी गरेका थिए ।

न्यौपाने दम्पतिलाइ गत २२ मा पक्राउ गरि हिरासतमा राखिएको थियो । एक साता हिरासतमा राखेपछि सुक्रबार कम्युनिस्ट गतिबिधिमा रहेको आरोप लगाएर नेपाल फिर्ता गरिएको छ । उनिहरु संगै पक्राउ परेका अन्य दुइ जनालाइ भने अध्यागमनले १२ लाख वन धरौटी लिएर कम्पनीको जिम्मा लगाई काममै फिर्ता गरेको छ ।

अध्यागमनले दुर्गालाई धरौटीबापत रकम लिएर छोड्ने स्वीकृति दिएपनि उनि नेपाल फिर्ता भएकी छन । सुक्रबार नेपाल फर्कने क्रममा थाईल्याण्डबाट न्यौपानेले भने राजनीति गरेको सुराकी लगाइएको कारण कानुनी उपचार सहज भएन । न्यौपानेले वकिल र कम्पनि मालिक मार्फत पुन काममा फर्कन प्रयास गरेका थिए ।

अध्यागमनका कर्मचारीले न्यौपाने पक्षका वकिललाई कम्युनिस्ट गतिबिधिमा रहेको कारण कोरिया रहन नसक्ने स्पष्ट पारेका थिए । कानुनि प्रक्रिया लामो र खर्चिलो हुनुका साथै गम्भीर उजुरी लागेका कारण कानुनी लडाईका लागि असमर्थ रहेको न्यौपानेले बताए ।

राजनीति गरेको उजुरी परेको कारण दुतावासको प्रयास अध्यागमनले सुनुवाई नगरेको कोरियाका लागि नेपाली राजदुत कमानसिंह लामाले जानकारी गराए । भिसा अवधिमा रहेकोलाई राजनीति गरेको कारण फिर्ता गरिएको यो पहिलो घटना हो ।

अवैधानिक रहि कार्यरत जनअधिकार मंचका बिष्णु क्षेत्री र दुइ बर्ष अघि एमालेको भगिनी संगठन एनडीएफका बिक्रम राई र नरेन्द्र चेम्जोंगलाइ पनि पक्राउ गरि नेपाल पठाइएको थियो । नेपालीहरुकै उजुरीका कारण फिर्ता हुनुपरेको न्यौपानेको आशंका छ ।

त्यसै गरि नेपाली जनअधिकार मन्च दक्षिण कोरियाले प्रेस बिज्ञप्ति जारी न्यौपाने दम्पतिको गिरफ्तारिलाई भ्रत्सना गरेको छ | ‘न्युनतम मानव अधिकारको ख्याल नगरी अमानवीय तरिकाले गिरफ्तार गरेको हुदा हाम्रो संगठन स्तब्ध भयको छ ।’ मंचका प्रबक्ता चुडामणि अधिकारीद्वारा जारी बिज्ञप्तिमा भनिएको छ |

बिज्ञप्तिमा भनिएको छ -‘सम्पुर्ण जनअधिकार मन्चसंग सम्बन्धित साथीहरूमा यस समयमा कत्तिपन्नी बिचलित नभै संगठन लाई अझ ससक्त र गतिसिल बनाइ अगाडि बढाउन हार्दिक अनुरोध गर्दछौ। ‘