बुद्धले भरिएको देश(विचार)
अभिषेक राजबाहक-
मलाई लागेको थियो बुद्ध एउटा मात्र थिए भनेर तर आज यो मधेस आन्दोलनले स्पष्ट गराउदैछ कि यहा हजारौ लाखौ बुद्ध हरू रहेछन्!
जो मानिसद्वारा मानिस जलाईए पनि,
मानिसद्वारा मानिस मारीए पनि,
बिदेशी शक्तिले हस्तक्षेप गरेपनि,
आज सबै मौन छन् !
शान्त छन् !
आज जनताद्वारा जनतालाई प्राप्त दुःखको कारण कसलाई मान्ऩे?
ती आन्दोलनकारीलाई?
जसले आफ्ऩो हक मागेका छन्!
जसले ज्यान जोखिममा पारेर आफ्ऩो आउने पुस्ताका निमित भनि लडेका छन्!
कि सरकारमा रहेका ती सभासदहरूलाई?
जो आज यी २ महिना भन्दा बढी मधेस बन्द हुदा समेत मौन छन्!
जो राष्ट्रपति,प्रधानमंत्री र अन्य मन्त्री बन्ऩे लोभमै कार्यरत छन्!
हामी नेपाली यो देश नेपाल तर शासन भारतको,
टिभी हाम्रो तर टिभीमा च्यानल भारतको,
सिनेमा हल हाम्रा तर त्यो पर्दामा फिल्म भारतको,
हामी मानौ नमानौ तर हामीलाई भारतको भाषा र चलचित्र मन पर्छ ।
हिजो भारतमा मुठी भर अंग्रेजले व्यापारको नाममा भारत पसेर पुरा भारतमा शासन गरे जस्तै आजभोली भारतले पनि त्यही रणनीति नेपाल प्रति अपनाए जस्तो छ व्यापारको निमित छिरेका केही भारतियले आज तराईलाई नेपालबाट टुक्राउन खोज्दैछन्!
हामी भारत विरुद्ध शब्दको वाण त छोडन सक्छौ!
सामाजिक संजालमा #backoffindia त कोर्न सक्छौ तर यी सबैलाई व्यवहारमा उतार्न सक्दैनौ! सायद यो तितो सत्य हो नेपालको ।
त्यसलै आज म एउटा मात्र होईन हजारौ बुद्धहरू देख्दैछु जो अझै मौन छन्।