अफगानिस्तानमा ७.७ रेक्टरको शक्तिशाली भूकम्प, काठमाडौंमा पनि धक्का महसुस
सोल – पाकिस्तान, भारत तथा नेपालसम्मलाई हल्लाउने गरी अफगानिस्तानलाई केन्द्रविन्दू बनाएर ७ दशमलव ७ रेक्टरस्केलको शक्तीशाली भूकम्प गएको छ ।
भूकम्पमा ज्यान गुमाउनेको यकिन संख्या पत्ता नलागेपनि अफगानिस्तान, पाकिस्तान तथा उत्तरी भारतमा भूकम्पको ठूलो प्रभाव परेकोे अन्तराष्ट्रिय सञ्चारमाध्यमहरुले जनाएका छन् । भारतीय प्रधानमन्त्री नरेन्द्र मोदीले भूकम्प लगत्तै ट्वीट गर्दै भारतसहित अफगानिस्तान तथा पाकिस्तानमा आवश्यक सहयोग पुर्याउन आफ्नो सरकार तयार रहेको बताएका छन् ।
हिन्दूकुश हिमालय क्षेत्रबाट ४५ किलोमिटर दक्षिण पश्चिमतर्फ रहेको जार्मलाई केन्द्रबिन्दू बनाएर भूकम्प गएको बताइएको छ । भूकम्पपछि पाकिस्तानका केही टेलिभिजन च्यानलहरुले कार्यालय तथा निजी घरबाट मानिसहरु भागाभाग गर्दै गरेको दृश्य देखाएका छन् । पाकिस्तानको लाहोरसहितका थुप्रै शहरमा टेलिफोन सेवा अवरुद्ध भएको छ ।
श्रीनगरहित भारतका थुप्रै क्षेत्रमा समेत सञ्चार सेवा अवरुद्ध छ । अहिलेसम्म कम्तिमा पनि पाकिस्तानमा चार जनाले ज्यान गुमाइसकेको खबर छ । भूकम्पपछि भारतको राजधानी नयाँ दिल्ली तथा पाकिस्तानको राजधानी इस्लामावादमा ठूलै त्रास देखिएको छ । यस क्षेत्र भूकम्पिय जोखिमले उच्च मानिन्छ ।
यसअघि सन् २००५ मा पनि काश्मिरमा ७ दशमलव ६ रेक्टरस्केलको भूकम्पमा जादाँ ७५ हजारभन्दा धेरैले ज्यान गुमाएका थिए । यसै वर्ष नेपालमा गएको भूकम्पले समेत ठूलै क्षति निम्त्याएको थियो |
