समशेरको चोखो माया (भिडियोसहित )
सोल –दक्षिण कोरियामा ईपिएसमार्फत आएर कामको साथसाथैं सिर्जनामा लाग्ने नेपाली आजभोली प्रशस्त भेटिन्छन् ।कोही आफनो ईच्छा पुरा गर्न लागेको भेटिन्छन् भने कोही व्यवसायिकरुपमा लाग्ने चाहनाको साथ काम गरेर बचेको थोरैं समयको सदुपयोग गर्नेहरु पनि छन् ।
त्यस्तैं प्रतिभाहरुको भीडमा आफनो सांगीतिक कोशेली बोकेर समशेर रसाईली आएका छन् ।दक्षिण कोरियाको छल्लाबुक्दो छन्जु कार्यरत रसाईली आफनो आवाजमा सजिएको मेरो चोखो माया बोलको गीत लिएर श्रोता माझ आएका छन् ।माया पे्रमको शब्द उनेका सूर्य काश्यवले संगीत पनि काश्यवले नैं दिएका छन् । नेपालमैं यो गीतको म्युजिक भिडियोको सुटिंग गरिएको हो । यो गीतमा पल शाह र केकी अधिकारीको रोमान्स देख्न सकिन्छ ।
नेपालको विभिन्न मिडियाबाट यो गीतको म्युजिक भिडियो रिलिज भएको गायक रसाईलीले बताए ।साथैं उनले यो गीत दर्शक श्रोताले रुचाईदिएकोमा उनले खुशी समेत व्यक्त गरे ।
यो भिडियोको निर्देशन समन अधिकारीले गरेका हुन भने सम्पादन निशान घिमिरेले गरेका हुन ।
