विश्व आप्रवासी फिल्म महोत्सवमा ३ नेपाली फिल्म सहभागि
सोल –एमडब्लु टिभीले आयोजना गरेको ९ औं आप्रवासी फिल्म प्रदर्शनीमा नेपालका ३ वटा फिल्म प्रदर्शन हुने भएका छन् ।सन २०१४ मा काठमाण्डौंमा आयोजित अन्तर्राष्ट्रिय पर्वतीय फिल्म महोत्सवमा अवार्ड जित्न सफल छोटा फिल्महरु सुनकली,पुन्टेको पांग्रो र पवन रहेका छन् ।
आगामी अक्टोबर १६ बाट शुरु हुने ३ दिने विश्व आप्रवासी फिल्म महोत्सवमा विभिन्न राष्ट्रका आप्रवासी सम्बन्धी २५ वटा भन्दा बढी फिल्म प्रर्दशनी हुदैंछ ।यस बर्षको ९ औ माईग्रेन्ट फिल्म फेस्टीभल यहि अक्टोबर १६ देखि १८ तारिख सम्म सिओलको आनाम दोङ्ग स्थित रहेको कोरिया युनिभर्सिटीको केयु सिनेमाटे्रपमा हुने भएको छ ।
सोही महोत्सवमा इपिएसमार्फत कोरिया आई पत्रकारिता गर्दै आएका सञ्चारकर्मी गायक ऐश्वर्य श्रेष्ठको गीत “दोन मान्ही फर”को म्युजिक भिडियो समेत प्रर्दशन हुने एम डब्लु टिभिका सदस्य डम्बर सुब्बाले बताए । सो गीतका म्युजिक भिडियो निर्देशक तथा सम्पादक समेत रहेका सुब्बाले यो गीतमा ईपीएस मार्फत कोरिया आई काम गरि रहेको श्रमिकहरुको कथा, व्यथालाई समेटेर कोरियन र नेपाली भाषामा मिश्रित “दोन मान्ही फर” गीतको म्युजिक भिडियो कोरियामा नेपालीहरुले भोगीरहेको वास्तविक पिडालाई कथावस्तुलाई उतार्ने काम गरिएको बताए ।
फिल्म फेस्टिबलको अन्तिम दिन अर्थात १८ तारिख बिकट गांउका बालिकाहरुको फुटबल टोलीले देखाएको चमत्कारी खेलसंग आधारित फिल्म सुनकली, स्वामित्व तथा हेरविचारको विषयमा अधिकत विवादको माध्यमबाट बढदै गरेको उपत्यकावासी गरिब बालकको कथामा आधारित फिल्म पुन्टेको पांग्रो र नेपाल छाडेर विदेशी जीवन देखि शुरु भएको एक परिवारको कहानीसंग आधारित फिल्म पवन रहेको छ र ऐश्वर्य श्रेष्ठ” दोन मान्ही फर”को म्युजिक भिडियो प्रदर्शन हुनेछ ।
आप्रवसाीहरुको आवाजलाई चलचित्रमार्फत कोरिया लगायत विश्वमा पुरयाउने उद्देश्यले हरेक बर्ष एम डब्लु टिभिले फिल्म फेस्टिबलको आयोजना गर्दैं आएको एमडब्लु टिभीका अध्यक्ष पार्क सु हयनले जानकारी दिए ।
विस्तृत जानकारी
मिति :२०१५अक्टोबर १८ तारिख आईतबार
समय : दिनको १ बजे
स्थान : कोरिया युनिभर्सिटीको केयु सिनेमाटरेप Train लाईन ६ नम्बरको आनाम स्टेशनको २ नम्बर गेट
