कोरियामा इन्द्रजितको ‘रहर’
लिलु डुम्रे
सोल -कामका लागि दक्षिण कोरिया रहेका गितकार इन्द्रजित लावतीले गीति संग्रह रहर लिएर श्रोतामाझ आएका छन् । यासक ४ पाँचथरमा तिसबर्ष अघि जन्मिएका गीतकार लावतीको यो पहिलो गीति एल्बम हो ।
रोजगारीका लागि चार बर्ष देखि यहाँ रहेका लावतीको रहर गीति संग्रहमा दश गित सग्रहित छन् । संग्रहित गितमा बोलाउन मन लाग्छ ,अन्तै बाटो मोडे पछि ,जसले बढी चोट दिन्छ ,तिम्रो न्यानो साथ , समाबेश गरिएको छ । जब साँझ ,भुल्न भन्यौ ,तिम्रो आत्म ,धेरै माया र घात गर्यौ पनि रहर एल्बममा समेटिएका लावतीका रचनाहरु हुन् । आधुनिक र लोक समिश्रण गरि गीति संग्रह बजारमा ल्याईएको गीतकार लावतीले जानकारी दिए ।
सुगम संगीत र गजलमा चर्चित स्वर रहेकी अन्जु पन्त देखि प्रथम नेपाली तारा दिपक लिम्बु र पप गायक प्रमोद खरेलले रहर गीति संग्रहमा आवाज भरेका छन् । लावतीको गीति संग्रहमा नया गायक गायिकाहरुले पनि स्थान पाएका छन् । उत्तम जंग लिम्बु, मेलिना राई, परिहास सुब्बा,प्रकृति थलंग ,गोबिन्द खजुम ,सी डी विजय ,र सुन्दर पदम लावतीले स्वर दिएका छन । लावतीको रहरलाइ महेश खडका ,डी आर अटु र राजशुक्र लिम्बुले संगीत दिएका छन् ।
कोरियाको कामसंगै गीति संग्रहको चाहना पुरा गर्न सकेको प्रति गीतकार लावती खुसि देखिए । गत आइतबार विमोचित गीति संग्रह आर्थिक उपार्जन भन्दा पनि आत्मसन्तुष्टिका लागि बजारमा ल्याईएको उनले प्रष्ट्याए । प्रबाशबाट गायक गायिका र संगीतकारलाइ संयोजन गरि संग्रह तयार गर्न दुइ बर्ष लागेको लावतीले जानकारी दिए । गीति संग्रहको दुइ गितको छायांकन दक्षिण कोरियामा गरिएको छ भने एक म्युजिक भिडीयो नेपालमा तयार भएको छ ।
