अटिजमको क्षेत्रमा कार्यरत सबिता कोरियामा सम्मानित

सोल – काठमाडौको पेप्सीकोलामा ”विशेष स्कुल तथा पुर्नस्थापना” ( एस. एस. डि .आर. सी.) केन्द्र खोलेर अटिजम बालाबालिका लागि काम गर्दै आएकी दोलखा – नाम्दुकी सबिता उप्रेती कोरियामा सम्मानित भएकी छिन |

गत २८ तारिख सोल स्थित जोगेसा गुम्बा कल्चर हलमा अटिजम बालबालिका सहयोग अभियान कोरियाले आयोजना गरेको सम्मान कार्यक्रम संस्थाका अध्यक्ष बिक्रम ठकुरीको सभापतित्वमा भएको थियो |

उक्त कार्यक्रममा श्रम सहचारी अनिल गुरुङ , आईसीसी प्रतिनिधि केपी सिटौला , एनआरएन कोरियाका निबर्तमान अध्यक्ष बिनोद कुवर , जनजाती महासंघ कोरिया निबर्तमान अध्यक्ष भक्त शेरचन , सोन्सिक अध्यक्ष ईन्दिरा तिवारी विभिन्न संघ संस्थाका प्रतिनिधिहरु ब्यापारी , बिद्यार्थी , पत्रकार लगायत कोरियामा विभिन्न पेशामा आवद्ध नेपाली समुदायको उल्लेखनिय उपस्थिति रहेको थियो | उक्त कार्यक्रममा बोल्ने अधिकांस बक्ताहरुले एस. एस. डि .आर. सीलाई आफुले सकेको सहयोग गर्ने प्रतिबद्धता जनाएका थिए |

२०६८ साल चैत देखि संस्था खोलेर अटिजम बलाबालिका लागि काम गर्दै आएकी उप्रेतीको विशेष स्कुल तथा पुर्नस्थापना ( एस. एस. डि .आर. सी.} केन्द्रले स्थापना काल देखि ४ सय ८० जना बदिलाई सेवा प्रदान गरिसकेको छ | घरको आर्थिक स्थिति सवल नहुदा नहुदै पनि परिवारसंग आफ्नो बिहेमा दाईजोमा दिने पैसा मागेर संस्था सुरु गरेकी थिइन् | २ वर्ष अघि अमेरिकाको डिभी परेर पनि अमेरिकाको मोह त्यागेर आफ्नो जीवन अटिजम बालबालिकाको लागि सारा जीवन समर्पित गरिरहेकी छिन |
यस अघि नै ईन्टरनेशनल सरकल फर फिजिकल्ली एन्ड मेन्टल च्यालेन्ज स्टुडेन्ट्स क्वालिटी साइकल मरिसियसले सम्मानित भई सकेकी सबिता उप्रेतीले कोरियामा सम्मानित हुन् पाउदा अत्यन्त खुसी लागेको बताउदै अटिजम बालबालिका लागि काम गर्न हौसला मिलेको र आगामी दिनमा देश भरिका अटिजम बालाबालिका समेट्दै अगाडी बढने योजना रहेको बताईन |
सोहि कार्यक्रममा आर्थिक सहयोग गर्ने दाताहरुलाई सम्मान पत्र प्रदान गरिएको थियो भने संस्थाले संकलन गरेको सम्पूर्ण रकम मध्ये खर्च कटाएर बाँकी रकम सबिता उप्रेतीलाई हस्तातरण गरिएको थियो |
कार्यक्रमको संचालन पत्रकार मीन प्रकाश उप्रेतीले गरेका थिए |