एनआरएन कोरियाको निर्वाचनमा कम्प्यूटर भोटिङ हुने
सोल-सेप्टेम्वर २९ अथवा मंगलवार हुने एनआरएन कोरियाको पाँचौ निर्वाचनको लागि आवश्यक पर्ने सम्पूर्ण तयारी पुरा भएको कुरा निर्वाचन समितिका संयोजक रुद्र शर्माले जानकारी दिएका छन ।
शर्माका अनुसार २८ तारिकका दिन ईन्डियन प्यालेस रेष्टुरेण्ट आनमदोङ सोलमा बसेको निर्वाचन समिति तथा प्रत्यासी उम्मेदवारहरु विच निर्वाचनलाई कसरी सबैलाई मान्य हुने गरि शान्तीपूर्ण तरिकाबाट सभ्य,भब्य, निष्पक्ष र धांधलीरहित सम्पन्न गर्ने विषयमा छलफल भएको थियो |
सो बैठकमा निर्वाचन सम्वन्धी एजेण्डामा ब्यापक छलफल गरि निर्वाचन समिति र उम्मेदवारहरु विच विभिन्न विषयमा निर्णयहरु गर्दै सहमती पत्रमा हस्ताक्षर गरिएको थियो |
जसअनुसार गैर आवासीय नेपाली संघ राष्ट्रिय समन्वय समिति कोरिया चौथौ कार्य समितिबाट उपलब्ध गराईएका नामावलीलाई नै आधिकारिक मान्ने गरि मतदाता प्रकृया सञ्चालन गर्ने निर्णय भएको छ |
मतदाता नामावलीमा नाम भएका तर मतदाता परिचय पत्र नभएका वा कारणबस हराएको हकमा आयोजक समितिको लिखित निवेदन तथा प्रमारिकरणको आधारमा मतदान गर्न दिने निर्णय गर्नुका साथै निर्वाचन समिति द्वरा तयार पारिएको आचारसंहिताको ईमानदारिताका साथ अक्षरंश पालना गर्ने सहमति भएको छ |
त्यस्तै निर्वाचन कम्प्यूटर भोटिङ सिस्टमबाट सञ्चालन गर्ने निर्णय गरिएको छ |कम्प्यूटर भोटिङ सिस्टम प्रयोग गर्न असक्षम मतदाताको हकमा निर्वाचन समिति समक्ष लिखित निबेदन पेश गरि निर्वाचन समितिको अनुमतीमा कागजी मत-पत्रमा मतदान गर्न दिने निर्णय भएको हो ।
