एनआरएन कोरियामा १८ पदका लागि ३८ जनाको उम्मेदवारी
लिलु डुम्रे
सोल-मंगलबार हुन गइरहेको गैर आवाशीय नेपाली संघ दक्षिण कोरियाको पाँचौ अधिबेसनका लागि १८ पदमा ३८ जनाको उम्मेदवारी परेको छ । अध्यक्षमा दुइ व्यवसायी रविन तामांग र राजु क्षेत्रीको उम्मेदवारी परेको छ । तामांग रेस्टुरेन्ट व्यवसायमा संलग्न छन भने क्षेत्रीले रेस्टुरेन्टको साथै खेलकुदलाइ पनि निरन्तरता दिएका छन् ।
छ जनाको उम्मेदवारी परेको अध्यक्ष पदका अन्य आकांक्षिले उम्मेदवारी फिर्ता लिए पछि तामांग र क्षेत्री चुनावी मैदानमा देखिएका छन् । सम्भावना देखिएका यज्ञराज सुबेदीले बीचमा उम्मेदवारी फिर्ता लिएका छन् । इपिएस मार्फत कोरिया आउने कामदारको पक्षमा बेलाबखत कानुनी र अन्य सहयोग गर्दै आएका सुबेदीले भने आर्थिकको चलखेल र सामाजिक सेवा भन्दा बाहिर एनआरएन गतिबिधि देखिएकोले पदीय जिम्मेवारीमा बस्न चाहना भएन ।
बिधान अनुसार दुइ जना प्राप्त गरिने आइसिसि सदस्यका लागि पाँच जनाको उम्मेदवारी परेको छ । आइसिसि सदस्यका लागि एनआरएन कोरियाका सस्थापक केपि सिटौला , बर्तमान अध्यक्ष बिनोद कुवर ,पत्रकार महासंघ कोरियका पुर्ब सभापति खेम कार्की बर्तमान महासचिव तथा अनुसन्धानकर्ता प्रकाश धमला र पेशाकर्मी लोचन राई भिडदै छन् । बिधान संसोधन मार्फत अनुकुलको पद सिर्जना गरि बरिस्ठ उपाध्यक्षको पद पनि सिर्जना गरिएको छ ।
पदका आकांक्षि बढेर धेरैलाइ चित्त बुझाउन नयाँ पद सिर्जना गरिएको एनआरएन कोरियाका प्रबक्ता बिमल सुबेदीले स्पष्ट पारे । बरिष्ठ उपाध्यक्षको लागि इपिएस मार्फत आएका नवराज थिंग तामांग र ओम नारायण जुक्जाली भिड्न लागेका छन् । तिन जना उपाध्यक्षका लागि सात जनाको नाम परेको छ अमृत राई ,गोविन्द पाण्डे, जुनु गुरुंग ,प्रशान्त राज बानिया ,विपिन गुरुंग, लक्ष्मी लामा गुरुंग, लाल बहादुर साउथले उक्त पदको दाबी गरेका छन् । गुरुङ त्रय व्यवसायी हुन भने अन्य इपिएस मार्फत रोजगारीका लागि कोरिया प्रवेश गरेका युवाहरु हुन् । महासचिवको एक पदका लागि तिन जनाले उम्मेदवारी दर्ता गरेका छन् उमेश राई, दिपक पुन लक्ष्मण दहाल उक्त पदका प्रत्यासी रहेका छन् ।
दुइ जना सचिवको लागि पाँचको उम्मेदवारी परेको छ । सचिवका प्रत्यासी सबै इपिएस कामदार हुन । ईश्वर देवकोटा, बालकृष्ण त्रिपाठी,राजु सन्तोषी थापा,शोगेन्द्र घले, हरि प्रसाद खनाल उक्त पदका आकांक्षि हुन् । १८ पदका लागि गरिने निर्वाचनमा सह कोषाध्यक्ष र छ सदस्यहरु बाहेकको निर्बिरोध हुन सकेन । नवनिर्वा्चित कार्यसमितिले दुइ आइसिसि प्रतिनिधि र एक प्रबक्ता मनोनित गरेर २१ सदस्यीय कार्यसमिति गठन गर्नसक्ने बिधानमा उल्लेख गरिएको छ ।
यस अघि सेप्टेम्बर १२ र १३ का लागि तोकिएको अधिबेसन बर्तमान कार्यसमितिले तोकिए अनुसारको काम गर्न नसकेको भनि निर्वाचन मण्डलका पदाधिकारीले राजिनामा दिएपछि रोकिएको थियो । हाल सोहि निर्वाचन मण्डललाइ पुन अधिबेसन गर्ने गरि जिम्मेवारी दिईएको छ । पदका लागि मरिहत्ते गर्ने प्रबृत्तिलाइ निरुत्साहित गर्न उम्मेदवारी दिनेलाइ शुल्क दोब्बर वृद्धि गरिएको प्रबक्ता सुबेदीले जानकारी दिए माथिल्लो पद आइसीसी सदस्यका लागि ११ लाख र अन्य पदका लागि पदीय जिम्मेवारी अनुसार एक लाख कम गर्दै सदस्यका लागि दुइ लाख वन शुल्क तोकिएको छ ।
दुइ हजार तिन सय कुल मतदाता रहेको गैर आवाशीय नेपाली संघ दक्षिण कोरिया शाखाको मतदान विद्युतीय माध्यमबाट गरिने छ । कुल मतदातामा ९५ प्रतिशत भन्दा बढी इपिएस मार्फत कामका लागि आएका युवाहरु छन् । उम्मेदवारी उपर दाबी बिरोध सुक्रबार र उम्मेदवारी फिर्ता सनिबारका लागि तोकिएको छ ।
