झोगेसा गुम्बाको पुरस्कारै पुरस्कार
धन गुरुङ
सोल-बुद्धिस्टहरुको महायान ग्रुपको झोगेसा गुम्बाको बिदेश बिभागले विविध कार्यक्रमहरु आयोजना गर्ने भएको छ ।आज झोगेसा गुम्बाको बिदेश बिभागको कार्यालयमा सम्पन्न १० देशको सामुहिक बैठकले उक्त निर्णय गरेको नेपालको प्रतिनिधित्व गर्दै बैठकमा सहभागी भएका बौद्ध परिवार कोरियाको अध्यक्ष ईश्वर गुरुङले जानकारी दिएका छन ।
बैठकमा नेपाल थाइल्यान्ड , मंगोल, चीन, बर्मा , भियतनाम , श्रीलंका र लाओस देशका कोरियामा संगठित संस्थाका प्रतिनिधिहरुको सहभागीता रहेको थियो । बौद्ध परिवारका अध्यक्ष गुरुङले जानकारी गराएअनुसार विविध कार्यक्रम अन्तर्गत भलिबल प्रतियोगिता, नृत्य प्रतियोगिता र निशुल्क लन्च कुपन प्रमुख रहेका छन ।
नेपालको प्रतिनिधित्व गरेको बौद्ध परिवारले सोही ठाँउमा आयोजना गरेको बैठकले उक्त कार्यक्रममा कोरियामा रहेका सम्पुर्ण नेपालीहरुलाई सहभागी हुन अनुरोध गर्दै कार्यक्रममा नेपालको तयारीको लागि विभिन्न संयोजक, उपसंयोजकहरुको चयन पनि गरिएको छ ।
भलिबल संयोजकको जिम्मा अमीत रानालाई दिएको छ भने साँस्कृतिक संयोजकको जिम्मा बौद्ध परिवारका वरिष्ठ उपाध्यक्ष रमेश श्रेष्ठ, सदस्यहरु सतिश गुरुङ र लेशन गुरुङलाई दिएको छ ।
त्यसैगरी अरु संयोजकहरुमा बसको व्यवस्थापनमा उपाध्यक्ष प्रकाश लामा, कार्यक्रम सञ्चालन उदघोषिका रचना राई, बुथ संयोजक पेम्बा ह्योल्मो सदस्यहरुमा पुर्ण तामाङ, सम्झना ह्योल्मो, एण्डी शेर्पा, निर्मल महर्जन र कृष्ण मुस्यान र निशुल्क लन्च व्यवस्थापनको जिम्मा मिलन रानालाई छनौट गरेका छन ।
भलिबल प्रतियोगिताको लागि पुरस्कार राशीमा प्रथम पुरस्कार सात लाख वोन, दोस्रो पुरस्कार तीन लाख वोन र तेस्रो पुरस्कार एक लाख वोन र विभिन्न उपहारहरु राखिएको गुरुङले जानकारी दिए ।
नृत्य तर्फ प्रथम दस लाख वोन, दोस्रो तीन लाख वोन सहभागी २ समूहलाई र तेस्रो एक लाख वोन साथमा विभिन्न उपहारहरु रहेका छन । निशुल्क लन्च कुपनमा प्रथम दश लाखको नोट बुक , दोस्रो सात लाख वोन , तेस्रो टेलिभिजन ३२ ” इन्चको, चौथो ग्यास रेन्जी , पाँचौ राइस कुकर, छैटौं साइकल , सातौं पंखा र आठौं उपहार सेटहरु छन ।
अनुशासित र राम्रो हुटिङ गर्ने देशको टिम र बढी दर्शक उपस्थित गराउने देशको टिमलाई विशेष उपहार प्रदान गरिने छ भने कार्यक्रममा उपस्थित हुने सम्पुर्ण सहभागीलाई टिसर्ट, स्याम्पु र साबुन उपहार प्रदान गर्ने गुरुङले बताए ।
देशलाई चिनाउन , प्रतिभावान खेलाडी र नृत्यकारहरलाई आफ्नो प्रतिभा देखाउने महत्त्वपूर्ण अवसर भएकोले उपस्थित हुन बौद्ध परिवारका अध्यक्ष गुरुङले सबै नेपालीलाई आग्रह गरेका छ्न ।
कार्यक्रम अक्टोबर १० तारीखमा छल्लदो फो छन्जुमा हुनेछ । कार्यक्रममा जानको लागि दोङ्देमुन मेट्रो ट्रेनको गेट नम्बर ३ मा अक्टोबर १० तारिखको बिहान ७ बजे ४ वटा बसको पनि व्यवस्था गरिएको छ । सहभागी हुन इच्छुक नेपालीहरु बिहान ७ बज्नु अगावै दोङ्देमुन आइपुग्नु पर्नेछ ।
थप जानकारीको लागि
०१०-६७०१-१९६६ ,
०१०-३२६६-९९३३ ,
०१०-३०३९-२७२ ,
०१०-६४६८-७१८६
