कोरियासंग ईपीएस कोटा बढाउन श्रम मन्त्रीको आग्रह
सोल-नेपाल र दक्षिण कोरियाबीच रोजगार अनुमति प्रणाली (ईपीएस) को श्रम सम्झौता नबिकरण भएको छ । श्रम तथा रोजगार राज्य मन्त्री टेकबहादुर गुरुङ र कोरियाका श्रम तथा रोजगार मन्त्रालयका भाइस मिनिस्टर खो योङ सुनले दुई बर्षका लागि दुई पक्षीय सम्झौता शुक्रबार नाबिकरणमा हस्ताक्षर गरेका हुन् ।
हस्ताक्षरका क्रममा मन्त्री गुरुङले नेपाली कामदारको कोटा बढाउन अनुरोध गर्नका साथै नेपाली कामदारको बारेमा निशुल्क हवाई टिकट माग गरेका छन् । उनले अदक्ष कामदार मात्र होइन ईन्जीनीयर,नर्स, आदि दक्ष कामदारलाई रोजगार दिन प्रस्ताव गरेका
त्यस्तै मन्त्री गुरुङले ईपीएस आवेदन गर्ने उमेर हद वृद्धि १९ बर्षदेखि ४५ बर्ष सम्म बनाउन प्रस्ताव गरेका थिए । उनले कामदारको परिवारलाई बेलाबेला भ्रमण गराउन पाउने प्रावधान र खाडी क्षेत्रमा कन्ट्रक्सनमा कामको अनुभव भएका कामदारहरुलाई कोरियामा रोजगार दिन प्रस्ताव गरेका छन् ।
नेपालका तर्फबाट राखिएका प्रस्तावहरु कोरियाली पक्षले सकरात्मक रहेको छ । निशुुल्क हवाई टिकट बारे जवाफ दिंदै मिनीस्टर सुुनले निशुल्क टिकट १५ देशका कामदारलाई नै दिनुपर्ने भएकाले समस्या हुने जानकारी गराएका थिए । जवाफमा मन्त्री गुरुङले शुुरुमा हवाई टिकट रोजगारदाता उपलब्ध गराएर पछि कामदारको तलबबाट कट्टा गर्ने प्रस्तावलाई सुुनले सकरात्मक लिएका थिए ।
मिनीस्टर सुुनले अहिले कम्स्ट्रक्सन क्षेत्रमा कोरियन चाइनीज र कोरियन मजदूुरहरु कार्यरत भए पनि दक्ष नेपाली कामदारलाई लिन सकिने बताए ।
शनिबार सोलस्थित नेपाली दूतावासमा भएको अन्र्तकृया कार्यक्रममा मन्त्री गुरुङले छिट्टै श्रम बैंक स्थापना हुने बताए । श्रम बैंक स्थापना भएपछि हुुण्डि करोबार कम हुने जनाउदै नेपालबाट कोरिया आउदै सो बैंकमा खाता अनिबार्य खोल्नुुपर्ने प्रावधान बनाइने जानकारी दिए ।