कोरियामा ११ अबैधानिक नेपाली कामदार समातिए
सोल – आनसान हाङजी अपार्ट नजिकको एक मोटर पार्ट बनाउने कम्पनीमा कार्यरत चार जना अबैधानिक नेपाली कामदारलाई प्रहरीले गए राती समातेर अध्यागमन बिभागमा बुझाएको छ |
जसमा दुई जना ईपिएस प्रणाली मार्फत कोरिया आएर आफ्नो कार्य अबधि सकेर अबैधानिक रुपमा बसेका थिए भने बाँकी दुई जना डिपेन्डेन भिसामा कोरिया आएको बुझिएको छ |
त्यस्तै थेगुबाट एक जना नेपालीले दिएको जानकारी अनुसार गत सोमबार दिउसो २ बजे थेगु नजिकै रहेको सन्जुबाट ७ जना नेपाली पक्राउ परेका छन | उनीहरु मध्ये ५ जना कम्पनीमा पक्राउ परेका थिए भने २ जना राती काम गरि सुतिरहेका अवस्थ पक्राउ परेका हुन् |
पछिल्लो चरणमा आफ्नो कार्य अबधि सकेर अबैधानिक बस्ने नेपालीको संख्या बढ्दो छ | हालसम्म कतिको संख्या अबैधानिक बसेका छन् भने यकिन तथ्यांक नभए पनि ३ हजारदेखि ५ हजार नेपाली युवा अबैधानिक रुपमा बसेको अनुमान गरिएको छ |
