NRNA कोरिया अध्यक्ष बिपिन गुरुङ र सचिव टार्जन राईलाई साधारण सदस्य समेत नरहने गरि कारबाही

गैर आवासिय नेपाली संघका अध्यक्ष बिपिन गुरुङ र सचिव टार्जन राईलाई संघले कारबाही गरेको छ। महासचिव अजय सोडारी हस्ताक्षरित विज्ञप्तिमा दुवैलाई संस्थाको साधारण सदस्यता समेत नरहने गरि कारबाही गरेको जनाएको छ।

विज्ञप्तिमा “गैर–आवासीय नेपाली संघ (NRNA–NCC) दक्षिण कोरियाका महासचिव श्री अजय सोडारीलाई बदनाम गर्ने र आफ्ना कमजोरीहरू ढाकछोप गर्दै विभिन्न विषय लाई विषायन्तर गर्ने उद्देश्यले संघका अध्यक्ष श्री विपिन कुमार गुरुङले कार्यसमितिका विभिन्न पदाधिकारी तथा सदस्यहरूलाई हप्काउँदै–धम्क्याउँदै अवैधानिक रूपमा पत्र लेख्न लगाएको कार्यसमितिको पछिल्लो ठहर रहेको ” उल्लेख गरिएको छ।

अध्यक्ष गुरुङले , विभिन्न बहानामा कार्यसमितिका सदस्यहरूलाई गालीगलौज गर्ने, संघलाई आफ्नो नियन्त्रणमा राख्ने, संघको कोष कोषाध्यक्षको नियन्त्रणमा नराखी आफ्नै नियन्त्रणमा राख्ने, र उक्त कोषलाई आफ्नै होटल व्यवसायमा मनपरी खर्च गर्ने आरोप समेत लगाइएको छ। हिजो मात्र प्रेस विज्ञप्ति जारि गर्दै अजय सोडारीलाई महासचिवबाट बर्खास्त गरेको थियो। सोडारीले संघबाट औपचारिक विदाई तथा पद हस्तान्तरणको तयारी भइरहेको अवस्थामा आफूलाई गरिएको उक्त कारवाही नाटकपूर्ण,असंवैधानिक , प्रतिसोध र हतास मानसिकताको उपज रहेको बताएका छन्।

अजय सोडारीलाई बर्खास्त गरिएको प्रेस विज्ञप्ति