पोखरा युनाइटेड बन्यो NRNA कपको च्याम्पियन
गैर आवासिय नेपाली संघ दक्षिण कोरियाको आयोजना रहेको NRNA कपको उपाधि पोखरा युनाइटेडले जितेको छ। जुन २९ तारिख आयोजित प्रतियोगितामा पोखराले JNFC लाई २-० ले पाखा लगाउँदै उपाधि रक्षा गरेको हो। सेमिफाइनलमा बोङ्पो एफसीलाई २-० को हार चखाउँदै पोखरा फाइनल पुगेको थियो भने JNFC एफसी भने पेनाल्टी सूट आउटमा आस्याङ एफसीलाई पराजित गर्दै फाइनलमा आफ्नो स्थान सुरक्षित गरेको थियो। 
विजेताले ४५ लाख वन पुरस्कार प्राप्त गरेका छन भने उपविजेताले २२ लाख वन प्राप्त गरेका छन्। यसैगरी सेमिफाइनालिस्ट २ टोलीले पनि ६ लाख ५० हजार वनका दरले पुरस्कार प्राप्त गरेका छन्।
प्रतियोगिताको उत्कृष्ट खेलाडी पोखरा युनाइटेडका युडि पुन मगर भएका छन उनले १ लाख ५० हजार वन प्राप्त गरेका छन्। यसैगरी उत्कृष्ट गोल किपर छिरिङ लामा पोखरा युनाटेड, उत्कृष्ट डिफेन्डर निरज जङ कार्की JNFC , उत्कृष्ट मिडफिल्ड दावा डुक्पा शेर्पा पोखरा युनाइटेड, उत्कृष्ट फर्वार्ड खुमहाङ लिम्बू JNFC, उच्च गोलकर्ता नविन लिम्बू ब्लु लायन एफसी र उत्कृष्ट कोच मनिष केसी पोखरा युनाइटेड रहेका छन्। विधागत उत्कृष्ट हुनेहरुलाई नगद १ लाख वन राशिको पुरस्कार सहित सम्मान गरिएको थियो।
विजेता एवम उप विजेतालाई संस्थाका अध्यक्ष वुद्दि गुरुङ, खेल संयोजक सुनिल कन्दङ्वा लगायतले पुरस्कार वितरण गरेका थिए। ३० टोली सहभागिता रहेको प्रतियोगिता इक्सान फूटबल खेल मैदानमा सम्पन्न भएको थियो। 
