घेदुङ जेजु शाखाको तेस्रो अधिवेशन सम्पन्न, अध्यक्षमा बिमल तामाङ
नेपाल तामाङ घेदुङ दक्षिण कोरिया जेजु शाखाको तेस्रो अधिवेशन जेजुस्थित केसिटियु हलमा भव्य रूपमा सम्पन्न भएको छ । साथै शनिबार भएको अधिवेशनले सर्वसम्मत रूपमा नयाँ कार्यसमिति चयन गरेको छ ।
नयाँ नेतृत्वको अध्यक्षमा बिमल तामाङ निर्वाचित भएका छन् । त्यस्तै बरिष्ठ उपाध्यक्षमा प्रतिज्ञा लामा उपाध्यक्षमा गङ्गा ब्लोन चयन भएका छन् । महिला उपाध्यक्षको जिम्मेवारी रिचा ब्लोनले पाएकी छन् ।
महासचिवमा प्रतिक तामाङ चुनिएका छन् भने सचिव पदमा बिमान सिहं तामाङ र सानुमाया तामाङले जिम्मेवारी पाएका छन् । कोषाध्यक्षको रूपमा बिन्दार ब्लोन तामाङ र सह-कोषाध्यक्षमा युनिम तामाङ निर्वाचित भएका छन् ।
त्यस्तै कार्यसमिति सदस्यहरूमा सन्जय कुमार लामा, सुनिल कुमार वाइबा, वान्छेन तामाङ, ममता मोक्तान, सन लामा, पुजा ब्लोन, सबिता तामाङ र गोविन तामाङ चयन भएका छन्।
नेपाल तामाङ घेदुङ दक्षिण कोरिया केन्द्र सउलका अध्यक्ष राजकुमार स्याङ्तानको प्रमुख अतिथ्यतामा सम्पन्न अधिवेशनको निर्वाचन मण्डलको संयोजकत्वमा अनिता रूम्बाको सदस्यहरूमा शुभराज बोम्जन, गणेश तामाङ गोन्जन र धनराज तामाङ रहेको थियो ।
तामाङ भाषा, धर्म, कला, संस्कार, संस्कृतिको प्रवर्द्धन गरौं । आफ्नो पहिचान र अस्तित्वको लागि एक हौं ।” भन्ने उद्देश्यले सन् २०२१ मा गठन भएको घेदुङको जेजु शाखाले आफ्नो स्थापना कालदेखि नै सामाजिक कार्यमा सकृया हुदैं आएको जातीय सामाजिक संस्था हो ।
