पूर्वी नेपाल समाजद्वारा छुसकको कार्यक्रम बाँडफाँड , ३ संस्थालाई अनुमति
पूर्वी नेपाल समाज दक्षिण कोरियाले छुसकका लागि कार्यक्रम बाँडफाँड गरेको छ। मे १८ तारिख आइतवार पूर्वी नेपालको सभाहलमा कार्यक्रम बाँडफाँड गरिएको थियो।
यसपालीको छुसकमा सांगीतिक कार्यक्रमको लागि पाँचथर सेवा समाजलाई नै अनुमति दिइएको छ भने डान्सपार्टीका लागि दुइ संस्था ग्लोबल तेह्रथुम सेवा समाज र उदयपुर सेवा समाजलाई अनुमति दिइएको छ। गतवर्ष प्राविधिक कारणले रोकिएको नेपथ्य लाइभ कन्सर्टका लागि पाँचथर सेवा समाजलाई पुन: एक पटक मौका दिइएको कार्यक्रम बाँडफाँड संयोजक अ्मृत राईले जानकारी गराएका छन्।
सांगीतिक कार्यक्रमका लागि डाइनामिक मोरङ कमिटीले साथै डान्स पार्टीका लागि ताप्लेजुङ सम्पर्क समिती र इलामेली समाजले पनि निवेदन दिएका थिए।
यस वर्षदेखि पूर्वी नेपाल समाजले बाँडफाँड गरेको कुनैपनि कार्यक्रम घाटामा गए पूर्वी नेपालले उक्त संस्थालाई मजबूत बनाउन बैकल्पिक कार्यक्रम गर्न समन्वयकारी भूमिका खेल्ने अध्यक्ष केदार निरौलाले अवगत गराएका छन्।
