चलचित्र ‘ऊनको स्वीटर ‘ सुवन शोको मिति परिवर्तन, जुन १ मा प्रदर्शन हुने
चलचित्र ऊनको स्वीटर सुवन शोको मिति परिवर्तन भएको छ। पाँचथर सेवा समाजले एक सूचना जारी गर्दै परिवर्तन मिति बारे जानकारी गराएको छ। यहिँ मे १८ तारिख शो गर्ने भनिएतापनि प्राविधिक कारणले शो सार्नु परेको आयोजकले जनाएको छ। शो परिवर्तनले दर्शकहरुमा पर्न गएको असर प्रति क्षमा माग्दै जुन १ तारिक मेगाबक्समा नै चलचित्र प्रदर्शन गरिने आयोजकले उल्लेख गरेको छ।
आर्टमाण्डु नेपाल प्रा लि को प्रस्तुति रहेको चलचित्रमा बिपिन कार्की,मिरुना मगर, परिक्षा लिम्बु, विल्सन बिक्रम राई, प्रेम सुब्बा आदिको अभिनय रहेको छ्। गत हप्ता सौल र किम्हेमा हाउसफुलका साथ चलचित्र प्रदर्शन भएको थियो।
पाँचथरको विभिन्न पर्यटकिय स्थानमा छायाङ्कन गरिएको चलचित्र “ऊनको स्वीटर ” पाँचथरको पर्यटन प्रवर्द्धनको निम्ति प्रदर्शन गर्न लागेको आयोजकले जनाएको छ। अन्य सहरमा प्रदर्शन गर्न इच्छुकले वितरक सँग सम्पर्क गर्न सकिने छ।
