रामेछाप सम्पर्क समितिको छुसकमा बृहत् भेटघाट तथा साङ्गीतिक कार्यक्रम

रामेछाप सम्पर्क समिति, दक्षिण कोरियाले छुसकमा बृहत् भेटघाट तथा रात्रीभोज साथमा साङ्गीतिक कार्यक्रम गर्ने भएको छ । कोरियन चाड छुसकको पहिलो दिन राती विविध नृत्य, लोकदोहोरी र डिजे डान्स हुने आयोजकले बताएको छ ।

सोमबार साँझ ६ बजेबाट सउल- 서울 종로구 종로 63-8 (호텔 파노라마) -종각역 3 번 출구 पानोरामा बुफेमा हुने छ । ‘प्रवासी एकता आजको आवश्यकता, सामाजिक सेवामा हाम्रो प्रतिबद्धता’ भन्ने मूल नाराका साथ दुर्गम भेगको शिक्षा क्षेत्रमा सहयोग गर्ने उद्देश्यले रामेछाप सम्पर्क समितिले कार्यक्रम गर्न लागेका छन् ।

साङ्गीतिक कार्यक्रममा लोकदोहोरी प्रतिष्ठान वाद्यवादन समूहको प्रस्तुतिसँगै लोक तथा दोहोरी गायक खिम छन्त्याल, लोक तथा दोहोरी गायक केहरसिंह छन्त्याल, लोक तथा दोहोरी गायिका रमिला गौतम, लोक तथा दोहोरी गायिका बिपना अधिकारीको बेजोड प्रस्तुति रहने छन् । त्यस्तै  डिजे ACROZ, डिजे RUM ACE को डिजे म्युजिकमा झुम्न सक्ने छन् ।
त्यस्तै नृत्यमा मनिसा खोर्जा पुन, सरस्वती तामाङ, एन्जी तामाङ र शिरलिन तामाङको प्रस्तुति रहने छन् ।

आयोजक रामेछाप सम्पर्क समितिले कोरियावासी रामेछाप तथा अन्य सम्पूर्ण नेपालीहरूमा उपस्थितिको लागि चुल्हो निम्तो गरेको छ ।