ओएनएफको बुसान अधिबेशन अगष्ट १ र २ मा हुने , थेगु र ओइजम्बु अधिबेशन सम्पन्न
नेकपा एमालेको प्रबास सङठन प्रबासी नेपाली मन्च (ONF )कोरियाले आफ्नो बुसान क्षेत्रीय कमिटिको तेस्रो अधिबेशन अगष्ट महिनाको १ र २ तारिखमा गर्ने भएको छ ।
ONF बुसान कमिटि अध्यक्ष धु्रव पौंडेलका अनुसार बुसान उल्सान किम्हे याङ्सान एरियाका सबै साथिहरुको उपस्थितिलार्इ मध्यनजर गर्दै गर्मी बिदाका दिन पारेर अधिबेशन गर्न लागिएको हो ।कमिटिका अनुसार १ तारिख सनिबार साझ अधिबेशन उद्घाटन हुनेछ भने २ तारिख घोषणा एबम समापन हुनेछ । दोस्रो दिन कोरियाका बिभिन्न भागबाट बुसानमा गर्मी बिदा मनाउन आएका साथिहरुसङ्ग भेट्घाट र रमाइलोको लागी ड्राइ पिकनिकको आयोजना पनि गरिने छ ।
ओएनएफ कोरियाका केन्द्रिय अध्यक्ष गोबिन्द गाउलेको प्रमुख आतिथ्यमा हुन लागेको अधिबेशनमा केन्द्रिय सचिबालयका प्राय सबै सदस्यहरु , ओइजम्बु , थेगु , आन्सान , सौल र गजेदोबाट समेत ओएनएफका सदस्यहरु बुसान अधिबेशनमा उपस्थित हुने बताइएको छ । ONF ले सनिबार साझ एक प्रसिक्षण कार्यक्रम समेत आयोजना गर्ने छ ।
यस अघि ONF ले जुलाइ २६ तारिखमा तेस्रो ओइजम्बु अधिबेशन र दोस्रो थेगु अधिबेसन भब्यताका साथ सम्पन्न गरिसकेको छ । ओइजम्बुमा नेत्र चौधरिको अध्यक्षतामा १४ सदस्यिय नयाँ कमिटी सर्बसम्मत निर्माण भएको छ भने थेगुमा बिनोद कार्कीको नेतृत्वमा ११ सदस्यीय कमिटी सर्बसम्मत चयन भएको छ ।
थेगु अधिबेशन केन्द्रबाट अध्यक्ष गोबिन्द गाउँले प्रमुख अतिथी र कोषाध्यक्ष पर्शुराम सापकोटा अतिथीको रुपमा उपस्थित थिए भने ओइजम्बु अधिबेशनमा प्रमुख अतिथिको रुपमा उपाध्यक्ष सुरेन्द्र आचार्य सहित अन्य अतिथिको रुपमा सचिब दिपेन्द्र अधिकारी, प्रबक्ता सालिक बस्याल र सचिबालय सदस्य कपिल नेउपानेको उपस्थिती रहेको थियो ।
सचिब दिपेन्द्र अधिकारीका अनुसार सौल कमिटिको नियमित अधिबेशन अगष्ट महिनामा सम्पन्न गरिने छ भने नया सङठन बिस्तार अन्तर्गत ग्यङ्गिदोको ग्वाङ्जु , इन्छन र ह्वासाङमा , छनान, थेजन ,गजेदो , गावन्दो र जेजुदोमा समेत क्षेत्रीय कमिटिको निर्माण गरिने छ ।
कोरियामा बिभिन्न सामाजिक गतिबिधीमा तिब्रता आए सङगै ओ एन एफले आफ्नो सङगठनको कामलार्इ बिशेष ३ महिने अभियानको रुपमा तिब्रता दिनुलार्इ अर्थपुर्ण रुपमा हेरिएको छ । नेकपा एमालेले ONF कोरियालार्इ पुर्बी एसिया क्षेत्रको बलियो प्रबास कमिटिको रुपमा हेरेको हुनाले पनि कार्यकर्ताहरुले आफ्नो सङगठनमा स्वत: सम्पर्कमा आउने र सङगठित हुने क्रम तिब्र भएको पनि सचिब अधिकारीले बताए ।
जानकारीको लागि सम्पर्क नंबर
धु्रव पौंडेल :010 2183 7224
संजीव राई : 010 2159 2416
