छुसकमा नेपकोर नाइट हुने
![](https://www.fonijkorea.net/wp-content/uploads/2023/09/372624381_776992841093655_2625460897873278293_n-360x450.jpg)
छुसकको दोस्रो दिन सेप्टेम्बर २९ तारिखको बेलुकी ‘नेपकोर नाइट’ हुने भएको छ । चर्चित र्यापर भिटेनको प्रस्तुति रहने कार्यक्रममा कोरियाली डिजे हान्नाले नेपाली युवालाई नचाउने छिन् ।
कोरियामा रहेका युवा माझ चर्चित नेपकोरले मनोरञ्जनको साथमा विभिन्न खालका सामाजिक कार्यहरु गर्दै आएको छ । सन् २०१५ मा स्थापना भएको संस्थाले कोरियामा आर्थिक रुपमा समस्या परेको विरामीहरुलाई सहयोग गरेको छ । झन्डै ३० जना युवाहरु रहेको संस्थाले कोरियामा रहेका युवाहरुको चाहना अनुसारको विभिन्न कार्यक्रमहरु पनि गर्दै आएको छ ।
कोरियामा रहेका धेरै युवाहरुले छुसक भिटेन माग गरेकोले ‘कोरिया टुर’ गर्न लागेको नेपकोरले जनाएको छ । छुसकको दोस्रो दिन होङदेको जी वान क्लवमा बेलुकी ८ बजे देखि नेपकोर नाइट हुनेछ । कार्यक्रममा डिजे हान्नासँगै डिजे आरएक्स र डिजे विटले प्रस्तुति दिनेछन् । टिकटको लागि नेपकोरको फेसबुक पेजमा सम्पर्क गर्न सकिने आयोजकले जनाएका छन् ।
भिटेनको अन्य कार्यक्रमहरु २८ तारिखमा छल्लानाम्दोको ख्वाङ्जु ३० तारिखमा जेजुमा हुनेछ ।