तमू धीं दक्षिण कोरियाको दशौं केन्द्रीय महाधिवेशनको बन्द सत्र कार्यक्रम जूलाई ०९ मा हुने

दक्षिण कोरिया स्थित गुरुङ (तमू) हरुको गौरवमय संस्था तमू धीं दक्षिण कोरियाको ऐतिहासिक दशौं केन्द्रीय महाधिवेशनको दोश्रो चरण अन्तर्गतको बन्द सत्र कार्यक्रम र नयाँ कार्यसमिति चयन जूलाई ०९ तारिक हुने भएको छ । संस्थाले गत ०२ तारिक महाधिवेशन गर्ने सम्पूर्ण तयारी पूरा गर्दै गर्दा सोही दिनमा संस्थाको विधान संशोधन गर्ने कार्यक्रमले समय लम्बिन गएकोले बन्द सत्र र नयाँ कार्यसमिति चयन प्रक्रिया सोही स्थान सउल दोङ्देमुन स्थित नेपाल थाई रेष्टुरेन्टको सभा हलमा जूलाई ०९ तारिक दिउँसो १२ बजे शुरु हुने गरी सारिएको हो ।

महाधिवेशनको उद्घाटन सत्र र कार्यसमिति विघटन भईसकेको र बाँकी रहेको उक्त आसन्न दशौं केन्द्रीय महाधिवेशनको दोश्रो चरणको बन्द सत्रका लागि संस्थाका संरक्षक भिम गुरुङ (पर्वत) संयोजक रहने गरि खोम प्रसाद गुरुङ (कास्की), भिम गुरुङ (लमजुङ), युवराज गुरुङ (स्याङ्जा) र नरकुमार गुरुङ (स्याङ्जा) सहित ५ सदस्यीय निर्वाचन मण्डल गठन गरिएको र उक्त निर्वाचन मण्डलले जूलाई ०३ देखि ०८ तारिक शनिबार राती १२ बजेसम्म अनलाईन मार्फत् प्रस्तावक र समर्थकको जानकारी सहित इच्छाइएको पदमा उम्मेद्वारी निवेदन पेश गर्नुहुन अनुरोध गरेको छ ।

तमू धीं दक्षिण कोरियाको ऐतिहासिक आसन्न दशौं केन्द्रीय महाधिवेशन समयमा नै पूर्ण रुपमा सम्पन्न हुन नसक्दा पर्न गएको असुविधाप्रति आयोजक क्षमाप्रार्थी रहँदै बाँकी रहेको बन्द सत्रका लागि संस्था सम्बद्ध कोरियावासी तमू दाजुभाई तथा दिदिबहिनीहरु तथा शुभचिन्तकहरुलाई गरिमामय उपस्थितिका लागि तमू धीं दक्षिण कोरियाले पुनः हार्दिक निमन्त्रणा गरेको छ ।

तमू धीं दक्षिण कोरिया दशौं महाधिवेशन २०२३ अनलाईन उम्मेद्वार मनोनयपत्र

https://forms.gle/vyhFGXwH9Ur1Cbev8