जेजुदोमा दुतावासको घुम्ति सेवा सम्पन्न

जेजुमा नेपाली दुतावास दक्षिण कोरियाको घुम्ति सेवा सम्पन्न भएको छ । गैर आवासीय नेपाली संघ जेजु शाखाले आइतबार गरेको घुम्ति सेवाबाट जेजुमा रहेका ९६ जना नेपाली लाभान्वित भएका छन् । ८५ जनाले पासपोर्ट बनाउने, ९ जनाको ड्राईभिङ लाईसेन्स र २ ले अन्य सेवा लिएका थिए ।
राजधानी सोल आउन खर्चिलो र धेरै समय लाग्ने भएकोले जेजुमा रहेका नेपाली दुतावासको घुम्ति सेवाबाट लाभान्बित भएको गैर आवासीय नेपाली संघ जेजु शाखाकी कार्यवाहक अध्यक्ष सुनिता ब्लोनले बताईन । ‘हामीले यहाँ सेवा लिन चाहने साथीभाइलाइ पहिले नै बुकिङ गर्न भनेका थियाैं । ६८ जनाले अनलाइन फर्म भरेर हामीलाइ दिनु भएकाे थियाे । तर आईतवार भने धेरै जना हुँदा अप्ठ्याराे भयाे । हामीले अवेरसम्म बसेरै भए पनि केहीकाे पासपाेर्ट रिन्युकाे लागि काम गरेका गरेका थियौं ।  हामीले चाहदा चाहदै पनि सबैको काम भने गर्न सकेनौं । दुतावासले केही समय पछि फेरी जेजुमा घुम्ति सेवा
आउन सक्ने जानकारी दिनु भएकाे छ ।’ उनले थपिन् ।
कार्यक्रम गर्नका लागि गैर आवासिय नेपाली संघ दक्षिण कोरियाका अध्यक्ष दीपक पुन र नेपाल तामाङ घेदुङका बरिष्ठ उपाध्यक्ष राजकुमार स्याङतानले सहयोग गरेको पनि ब्लोनले बताईन । ‘यहाँका साथीभाइले पहिले देखि नै घुम्ति सेवा जेजुमा पनि गर्न सके हुन्थ्यो भन्ने गर्नु हुन्थ्यो । घेदुङ जेजु शाखाको अधिवेशनमा कुरा हुँदा घुम्ति सेवा गर्न सकिने स्याङतानले बताउनु भएको थियो । उहाँहरूले सहयाेग गर्नु भयाे । साथै दुतावासबाट पनि सहयाेग भयाे ।  जेजुमै रहेर सहयाेग गर्नु हुने गाेकुल शर्मा, खगेन माेक्तान, सुरेन्द्र चन्द ठकुरी, हेमराज भट्ट, शैलेन तुम्बापाे, अर्जुन तुम्बापाे, विरू लिम्बू, धर्मराज गाैतम, डिक गुरूङ, गजेन कुँवर, राजन निराैला लगाएत कार्यक्रम सफल बनाउन सहयोग गर्नु भयो । त्यसका लागि सबैलाइ धन्यबाद ।’ ब्लोन नेपाल घेदुङ जेजु शाखाको अध्यक्ष पनि हुन् ।

थप तस्विरहरू