बागमती प्रदेश एकता समाज दक्षिण कोरियाको तेश्रो अधिवेशन सम्पन्न, अध्यक्षमा भवानी पौड्याल
बागमती प्रदेश एकता समाज दक्षिण कोरियाको तेश्रो अधिवेशन सम्पन्न भएको छ । आइतवार सम्पन भएको अधिवेशनबाट भवानी पौड्यालको अध्यक्षतामा नयाँ कार्यसमिनिको निर्वाचित भएका छन् ।
बागमती प्रदेशको मुख्यमन्त्री शालिकराम जम्कट्टेलको प्रमुख अतिथ्यतामा अधिवेशनको औपचारिक कार्यक्रम भएको थियो । कार्यक्रमको सभापतित्व अध्यक्ष रवी प्रताप घिसिङले गरेका थिए । नेपाली राजदुताबासका उपनियोग प्रमुख पुष्पराज भट्टराईले कार्यक्रमको बिशिष्ठ अतिथिको रुपमा उपस्थिति जनाएका थिए । कार्यक्रममा दक्षिण कोरियामा रहेका विभिन्न संस्थाहरुका प्रतिनिधिहरुको उल्लेख्य सहभागितामा रहेको थियो ।
नव निर्वाचित कार्यसमितिमा अध्यक्षमा भवानी पौड्याल, वरिष्ठ उपाध्यक्षमा नवराज तिमिल्सिना निर्वाचित भएका छन् । उपाध्यक्षमा सागर सापकोटा, महिला उपाध्यक्षमा सुष्मा थापा निर्वचित भएका छन् । त्यस्तै अर्का उपाध्यक्षमा रेशम अधिकारी, महासचिवमा सुरेश थिङ, कोषाध्यक्षमा जयन्ति शर्मा घिमिरे, सचिवमा तारा चन्द आचार्य र सुमन चौलागाई तथा सह-कोषाध्यक्षमा पूर्ण. ब. प्रधान निर्वाचित भएका हुन । त्यस्तै जिल्ला संयोजकहरुमा, अमर घले (धादिङ), केशव मन लामा (काभ्रे), कुन्दन थापा (दोलखा) र पदम बहादुर थापामगर (रामेछाप) रहेका छन् ।
“बागमती प्रदेश एकता समाज दक्षिण कोरिया” दक्षिण कोरियामा रहेका बागमती प्रदेश अन्तर्गत पर्ने विभिन्न जिल्लागत संस्थाहरुको छाता संगठन हो । यसको स्थापना २०१८ मा भएको हो ।
