दक्षिण कोरियामा “जारी” प्रदर्शन हुने
नयाँ वर्षमा रिलिज हुन लागेको बहुप्रतिक्षित चलचित्र जारी दक्षिण कोरियामा पनि प्रदर्शन हुने भएको छ। इ कोरिया इन्टरटेन्मेन्टले अप्रील २३ आइतबारका दिन सौल दोङ्देमून स्थित 구민회관 मा पहिलो शो प्रदर्शन गर्न लागेको हो।
लिम्बू समुदायमा हुने जारी प्रथा एवम लिम्बू साँस्कृतिक कथामा आधारित चलचित्रलाई रामबाबु गुरुङले निर्माण गरेका हुन भने लेखन तथा निर्देशन उपेन्द्र सुब्बाको रहेको छ।
प्रदर्शन अगावै टिजरलाई आम दर्शकले रुचाइएको पाइन्छ। चलचित्रमा कलाकार दयाहाङ राई र मिरुना मगरलाई मूख्य भूमिकामा देख्न सकिन्छ भने कलाकार विजय वराल, प्रेम सुब्बा, रेखा फागो आदिको अभिनय पनि हेर्न सकिने छ। सौल शो पश्चात कोरियाको थेजन, बुसान, गजेदो, छेजुदो, इक्सान, मोक्पो आदि शहरहरुमा पनि प्रदर्शन गरिने भएको छ।
