जनजाति महासंघको तीन महिने संचार दक्षता तथा संगठन सुदृढिकरण तालिम सम्पन्न
![](https://www.fonijkorea.net/wp-content/uploads/2023/04/339755328_1001751301230809_5693946664934562149_n-224x450.jpg)
नेपाल आदिवासी जनजाति महासंघ दक्षिण कोरियाले तीन महिने संचार दक्षता तथा संगठन सुदृढिकरण तालिम सम्पन्न गरेको छ । कोरियामा रहेका आदिवासी जनजातिहरुको क्षमता अभिबृद्धि गर्न गत डिसेम्बर १८ बाट सुरु भएको कार्यक्रम अप्रिल ३ तारिख आइतबार सम्पन्न भएको हो ।
तीन महिना चलेको कार्यक्रममा कोरियामा रहेका विभिन्न संघ संस्थामा अबद्ध ५३ जना प्रतिनिधिको सहभागीता रहेका महासंघका कार्यवाहक अध्यक्ष विशन राईले जानकारी दिएका छन् । उनले महत्त्वपूर्ण समय उपलब्ध गराउनुहुने प्रशिक्षक अनिता गुरुङ र टेक बहादुर गुरुङ लाई बिशेष आभार व्यक्त गरे । ‘विभिन्न जातिय संघसंस्थाहरुबाट उपस्थित हुनुभएका अध्यक्ष एवं प्रतिनिधि, सल्लाहकार, पत्रकार साहित्यकार, प्रमुख अतिथि लगायत प्रशिक्षार्थीको रूपमा केही सिक्ने आशा सहित तालीममा उपस्थित सम्पुर्ण प्रशिक्षार्थीहरुमा पनि हार्दिक धन्यवाद व्यक्त गर्दै, तालिमबाट प्राप्त सैद्धान्तिक ज्ञानलाई आफ्नो ब्यबहारिक जीवनमा उतार्न सम्पूर्ण प्रशिक्षार्थीहरु सफल हुनुहुनेछ भन्ने बिश्वास गर्दछु ।’ उनले भने ।
जुम मार्फत भएको कार्यक्रम हरेक आईतबार बेलुकी हुदै आएको थियो । नेपाल आदिवासी जनजाति महासंघ दक्षिण कोरियाले यहाँका जातिय संस्थासँग मिलेर विभिन्न रचानात्मक कार्यक्रम गर्दै आएको छ ।