नेपाल तामाङ घेदुङ ख्यङ्साङ् बुसान शाखाको चौथो अधिवेशन मार्च १२ मा हुने
![](https://www.fonijkorea.net/wp-content/uploads/2023/03/inbound7866875551146973778-900x450.jpg)
कोरिया स्थित गौरवमय जातीय संस्था नेपाल तामाङ घेदुङ ख्यङ्साङ् बुसान शाखाले यही मार्च १२ तारिक किम्हे सहरको जिकेएस हलमा चौथो अधिवेशन गर्ने भएको छ । संस्थाले आधिकारिक र विधिवत् रुपमै अर्को कार्यसमिति चयन गर्नुपर्ने आवश्यकतालाई ध्यानमा राख्दै सो अधिवेशन गर्न लागिएको सो संस्थाका अध्यक्ष धनराज तामाङले जानकारी दिए ।
विभिन्न कालखण्डमा उदाहरणीय सामाजिक कार्यहरु सहित तामाङ जातिको आफ्नो मौलिक भेषभूषा, संस्कार, संस्कृति तथा परम्पराको संरक्षण र सम्बर्द्धन गर्ने कार्यमा टेवा पुर्याउँदै आइरहेको संस्थाले विगत चार वर्षदेखि विभिन्न समस्यामा बस्ने नानाआ ङा (दिदीबहिनी ) हरुलाई मध्यनजर गरि नाना आङा धिम अर्थात् दिदीबहिनी आवास गृह समेत संचालन गर्दै आईरहेको छ ।
उक्त चौथो अधिवेशनलाई सभ्य र भब्य रुपमा सफल बनाउन संस्था सम्बद्ध सल्लाहकार, बुद्धिजिवी, शुभचिन्तक, समस्त सदस्यहरु लगायत बुसान किम्हे आसपासका संघ संस्थाहरुलाई नेपाल तामाङ घेदुङ ख्यङ्साङ् बुसान शाखाले गरिमामय उपस्थितिको लागि हार्दिक अनुरोध गरेको छ ।
तपसिल :
मिति : २०२३ मार्च १२, आइतबार
समय : दिनको ठिक १२:०० बजे
स्थान : जिकेएस हल, किम्हे बुसान