राप्ती समाजले कोरियामा आउँदो मार्च १२ मा चलचित्र छक्का पञ्जा ४ प्रदर्शन गर्ने

राप्ती समाज दक्षिण कोरियाले यहि आउँदो मार्च १२ तारिकको दिन बहुप्रतिक्षित नेपाली कथानक चलचित्र छक्का पञ्जा ४ प्रदर्शन गर्ने भएको छ । राप्ती कोष सहयोगार्थको रुपमा सउलको दोङ्देमुन नजिकै जोङ्गाक स्टेशनमा अवस्थित जोगेशा गुम्बा हलमा उक्त चलचित्र प्रदर्शन गर्ने भएको हो ।

दक्षिण कोरियामा विभिन्न पेशा, व्यवसायमा आबद्व राप्तीवासी तथा नेपालीहरुबिच आपसी सहयोग, समझदारी, सद्भाव र भाइचारा अभिवृद्धि गर्दै कोरियामा नेपालीहरु विच भैपरी आउने समस्या छिटो, छरितो र सरल तरिकाले समाधान गर्ने मुख्य उद्धेश्यका साथ सो चलचित्र प्रदर्शन गर्न लागिएको संस्थाका अध्यक्ष ओमलाल ओलीले जानकारी दिए । चलचित्र छक्का पञ्जा भरपूर कमेडीसहित नेपालमा व्यप्त समस्या र बेथितिहरु चलचित्रमा देख्न सकिने भएकोले चाैथाे सिक्वेलको यो चलचित्र पनि धेरै दर्शकहरुको रोजाईमा पर्दै आएको सन्दर्भ आयोजक संस्थाका महासचिव अमृत केसीले थपे ।

दर्शकको अधिक माग र चाहना अनुसार बिहान ११:०० र दिउँसो २:०० बजे गरी दुई शो प्रदर्शन गरिने उक्त चलचित्र “छक्का पञ्जा ४” हेरेर मनोरञ्जनसँगै पुण्य कमाउनुहुन दक्षिण कोरियास्थित विभिन्न संघ-संस्थाहरु साथै नेपाली दाजुभाई, दिदीबहिनी, विधार्थी, पत्रकार तथा बुद्धिजीवी लगायत सम्पूर्ण महानुभावहरुमा राप्ती समाज दक्षिण कोरियाले हार्दिक अनुरोध गरेको छ । साथै अन्य विविध जानकारीका लागी उल्लेखित पोष्टर हेर्नुहुन आयोजकले अपिल गरेको छ ।

तपसिल

मिति – २०२३ मार्च १२ आइतवार

समय – पहिलो शो ११:०० बजे, दोस्रो शो २:०० बजे

स्थान – दोङदेमुन नजिक जोङ्गाक स्टेशनमा रहेको जोगेशा गुम्बाको हल

**नोट**

पहिलो शोको लागि Ticket online Booking मार्च ५ तारिक साँझ ९:०० बजे भित्र तलको सम्पर्क नम्बरमा कल गरी बुकिङ गर्नुपर्नेछ ।

बुकिङको लागि सम्पर्क :

Omlal Oli – 010-8070-9210

Amrit KC – 010-5960-8190

Sobarna Oli – 010-5949-0415

Bayu Poudel – 010-2630-5311