कोरियामा लगानी सम्मेलन सम्पन्न

नेपाली राजदुतावास दक्षिण कोरियाले गैर आवासीय नेपाली संघ दक्षिण कोरियासँग मिलेर ‘नेपाल ईन्भेस्टमेन्ट सेमिनार २०२३’ आयोजना गरेको छ । बुधबार सोलमा भएको कार्यक्रममा कोरियाका ५५ भन्दा बढि कोरियाली लगानीकर्ताहरुको सहभागिता रहेको थियो ।
‘कोरियाली लगानीकर्ताहरु उचित नेपालमा लगानी गर्न चाहन्छन् । हामीले उचित वातावरण मिलाई दिनु प¥यो । यहाँका लगानीकर्तालाई हाम्रोमा भएका संभावनाका विषयमा पनि जानकारी गराउनु प¥यो ।’ गैर आवासीय नेपाली संघका अध्यक्ष दिपक पुनले भने । ‘यो कार्यक्रममा नेपालमा लगानी गरि सक्नु भएका कोरियाली पनि हुनुहुन्थ्यो । कोरियाली कपडाको राम्रो ब्रान्ड ब्याक याक कम्पनीका साहु पनि आउनु भएको थियो । उहाँ कोरियाको १ सय १४ धनि कोरियालीमा पर्नु हुन्छ ।’ उनले थपे ।
कार्यक्रममा आएका धेरै कोरियाली लगानीकर्ताहरु पुर्वाधार विकास, पर्यटन, कृषि र हाईड्रोपावर क्षेत्रमा लगानी गर्नका लागि ईच्छुक रहेका छन् । कार्यक्रमका प्रमुख अतिथी कोरिया नेपाल पार्लायमेन्टरी फ्रेन्डसीप गु्रपका सभापति ली साङ हेनले नेपालमा लगानीका लागि प्रसस्त ठाउँ रहेको बताए । उनले नेपालमा घुम्न जाँदा नेपालको बारेमा बुझेको भन्दै कोरियाली लगानीकर्तालाई आफूले सक्ने क्षेत्रमा लगानी गर्न आग्रह गरे ।
कार्यक्रममा कोरियाका लागि नेपाली राजदुत डा.ज्योती भण्डारी प्याकुरेलले नेपालमा कोरियालीहरुले अहिले पनि लगानी गरेर राम्रो गरि रहेको बताईन् । ‘नेपालका धेरै क्षेत्रमा लगानी गर्न सकिने ठाउँ रहेको छन् । नेपाल सरकारले लगानी मैत्री वातावरण बनाइ रहेका छ । थप सुधार गर्न परे त्यो पनि गर्नेछ ।’ कोरियाली लगानीकर्ता माझ उनले भनिन् । ‘कोरिया विकसित देश भएकोले यहाँ भएको पूजी र प्रविधी नेपाललाई चाहिएको छ । यसका लागि नेपाल सरकार लगानी सुरक्षाका निम्ती पनि तयार छ ।’ उनले थपिन् ।
दुतावासका उपनियोग प्रमुख रामसिं थापाले कार्यक्रममा सोचेको भन्दा बढि लगानीकर्ताहरु आएका बताए । ‘कोरियाली लगानीकर्तालाई नेपालका बारेमा जानकारी दिनका लागि गरिएको कार्यक्रम हो । आजको कार्यक्रममा कोरियामा ठूलो कम्पनीका प्रतिनिधिहरु आउनु भएको थियो । साना तथा मध्यम खालका लगानीकर्ताहरु पनि थिए । उनीहरुको मुख्य चासो भनेको लगानीमैत्री वातावरण नै हो ।’
अहिले दक्षिण कोरियाली लगानीकर्ताहरुले नेपालमा कोरियाली ठूलो कम्पनी मध्ये एक दोसान कम्पनीले त्रिशुली १ हाईड्राे पावरको लागि काम गरिरहेको छ । काठमाडौ तराई फास्ट ट्याकमा समेत योसिन ईन्जिनियरिङ कर्पोरेसनले काम गरिरहेको छ । त्यस्तै घर निर्माणमा कोरियाली कम्पनी एसवाई गु्रपले एसवाई प्यानल र अनलाईन मार्केटिङमा एसवाई बजार नामक एप मार्फत अनलाईन बजारको काम गरिहरेको छ ।