ताप्लेजुङ सम्पर्क समितिले गर्ने ताप्लेजुङ कञ्चनजंघा सांगीतिक धमकामा आउने कलाकारको भिसा लाग्यो

ताप्लेजुङ सम्पर्क समिति दक्षिण कोरियाले सलनालको दोस्रो दिन गर्ने ताप्लेजुङ कञ्चनजंघा सांगीतिक धमाका २०२३ मा नेपालबाट आउने कलकारहरुको भिसा लागेको छ । जिल्लाको शिक्षा र स्वास्थ्य क्षेत्रमा सहयोगार्थ गर्न लागेको कार्यक्रममा नेपालका चर्चित गायक प्रमोद खरेल, लोकगायक खगेन्द्र याक्सो, गायिका एलिना चौहान, अभिनेत्री डान्सर रियासा दाहाल र चर्चित हाँस्यव्यंग्य कलाकार भरतमणि पौडेल आउँदैछन् ।
‘हाम्रो सबै कलाकारको भिसा लाग्यो । अब यताको तयारी पनि लगभग पुरा भैसक्यो । कोरियामा रहने साथीभाइ कार्यक्रममा आएर रमाइलो गर्ने दिनको पर्र्खाइमा छौं हामी त ।’ ताप्लेजुङ सम्पर्क समिति दक्षिण कोरियाका अध्यक्ष सागर माङमू लिम्बूले भने । ‘हाम्रो जिल्लामा एकदमै विकट गाउँहरु छन् । त्यस्तो ठाउँमा सरकारले मात्रै सबै गर्छ भन्ने होइन । हामीले सकेको सहयाग गर्न यो कार्यक्रम गरेका हौं । यसमा कोरियामा रहनु हुने सबै साथीले सहयोग गर्नु हुन्छ भन्ने विश्वास लिएका छौं ।’ उनले भने ।
कार्यक्रम संयोजक मिरक लिम्बूले पनि कार्यक्रमलाई सहयोग गर्न आग्रह गरे । ‘लोक, आधुनिक, डान्स, कमेडी सबै क्षेत्रको अब्बल कलाकार आउँदै हुनुहुन्छ । यो कार्यक्रम भब्य हुन्छ । कोरियामा रहेका नेपालीलाई मनोरञ्जन दिनेछ ।’ उने भने ।

कार्यक्रमकाे प्राेमाे