स्याङ्जा परिवारले अक्टोबर ०८ मा दशैं मनाउने
प्रवासमा रहेर पनि नेपाली परम्परा, संस्कार, संस्कृतिको सम्मान गर्दै जगेर्ना गर्ने उद्वेश्यका साथ कोरियाको राजधानी सउलस्थित दोङ्देमुनमा स्याङ्जा परिवार दक्षिण कोरियाले २०७९ सालको विजया दशमी तथा शुभ दिपावलीको पावन अवसरमा शुभकामना आदानप्रदान कार्यक्रम गर्ने भएको छ । विगतमा जस्तै संस्थाको गतिविधिलाई निरन्तरता दिदै यो पटक पनि यस कार्यक्रम आयोजना गरिएको संस्थाका केन्द्रीय अध्यक्ष विजय थापाले बताए ।
दशैंको धार्मिक परम्परा अनुसार अग्रज तथा मान्यजनबाट टिका-जमरा ग्रहण गर्ने र आशीर्वाद लिने प्रचलनलाई कायम राख्दै यो महत्वपूर्ण अवसर प्राप्त गर्न सकिने साथै विविध साँस्कृतिक प्रस्तुतिको साथमा नेपाली स्वादिष्ट भोजनको व्यवस्था गरिने संस्थाका केन्द्रीय वरिष्ठ उपाध्यक्ष बिपना गुरुङले जानकारी दिए ।
“कोरियामा स्याङ्जाली, रजतोत्वस यसपाली” भन्ने नारासहित यही सेप्टेम्बरको ११ तारिक रजतोत्सव समारोहमा संस्थालाई स्थापनाकालदेखि अविछिन्न सहयोग गर्ने र रजत जयन्तीको अवसरमा प्रकाशन गरिएको स्मारिकाका लागि सम्मान गरिएको सन्दर्भ उल्लेख गर्दै छुट्नुहुने सहयोगी महानुभावहरुलाई सोही दशैं कार्यक्रममा सम्मान कार्यक्रम समेत जोडिने संस्थाका केन्द्रीय सचिव माधव अर्यालले स्पष्ट पारे ।
२०७९ सालको विजया दशमी तथा शुभ दिपावलीको पावन अवसरमा समस्त सु-स्वास्थ्य, सुख-समृद्धि , खुशी र दीर्घायु तथा सफलताको हार्दिक मंगलमय शुभकामना व्यक्त गर्दै संस्था सम्बद्ध (केन्द्रीय, किम्हे/बुसान, थेगु शाखा) सम्पूर्ण कोरियास्थित स्याङ्जाली तथा नेपाली दाजुभाई तथा दिदिबहिनीहरुमा कार्यक्रममा पाल्नुभई सभ्य र भव्य रुपमा सफल बनाउनुहुन स्याङ्जा परिवारले हार्दिक अनुरोध गरेको छ ।
कार्यक्रम तपसिल :
मिति : २०२२ अक्टोबर ०८ तारिक (शनिवार)
स्थान : नेपाली थाई रेष्टुरेन्ट, दोङ्देमुन(सउल)
समय : साँझ ठीक ०७:०० बजे
जाने तरिका : लाईन नं. १, दोङ्देमुन स्टेशन, गेट नम्बर २ को अगाडि ।
विविध सोधपुछका लागी सम्पर्क :
🔹 विजय थापा : 01037855450
🔹 बिपना गुरुङ : 01059604841
🔹 माधव अर्याल : 01062605197
