‘दोस्रो स्याङ्जा कप २०१५’को तयारी तिब्र हँुदै
नोमराज गुरुङ
सोल कोरिया
अगामी अगष्ट २ तारिख कोरियाको गर्मी बिदालाई लक्षित गर्दै आयोजना गर्न लागेको ‘स्याङ्जा कप २०१५’ पुरुष भलिबल प्रतियोगिताको तयारी तिब्र भईरहेको छ ।
प्रतियोगिताको मिति नजिकिँदै गर्दा आयोजक स्याङ्जा परिवार दक्षिण कोरियाले दोस्रो स्याङ्कपर्लाइ भव्य र सभ्य ढंगले सफल पार्न तयारी तिब्र पारेको हो ।
‘सद्भाव र एकताको कामना, स्याङ्जा कपको आयोजना’ भन्ने मूल नाराका साथ आयोजना गरिने दोस्रो स्याङ्जा कप २०१५ को लागि अगामी जुलाई २६ तारिख टिम दर्ता र टाईसिट सार्वजानिक गरिने परिवारका अध्यक्ष धर्म गुरुङ्ले जानकारी दिए ।
गुरुङ्को अनुसार सोलको दोङ्देमुन स्थित फेवा मार्टमा हुने र्टाइसिट सार्वजानिक कार्यक्रमका लागि प्रतियोगितामा सहभागि हुने संघ–संस्था तथा भलिबल टिमका प्रतिनिधीहरु सबैलाई पत्रचार गरिसकिएको छ ।
कोरियन गर्मी बिदाको अवसर परेको हुनाले अन्य प्रतियोगितामा भन्दा ‘दोस्रो स्याङ्जा कप २०१५’ मा अलि बढि टिमको सभागिता रहने पनि गुरुङ्ले बताए । ‘हामीले करिब २० टिमको सहभागिता हुने अनुममान गरेका छौं ।
दर्शकको चाप बढि हुनसक्ने र प्रतिस्पर्धी टिमहरुको सहभागिता पनि बढि हुने अनुमान भएकाले परिवारले करिब १ सय भोलिन्टिएरलाई युनिफर्म र परिचयपत्र सहित परिचालन गर्ने समेत बताईएको छ ।
तयारीकै दौडानमा आयोजकले पोस्टर र ब्यानर समेत सार्वजानिक गरेको छ । जसअनुसार दोस्रो स्याङ्जा कप २०१५ सोलको गुफाबाल योक नजिकैको उन्फ्योङ्ग खेल केन्द्र (तनहुँ सम्पर्क समितिले भानु कप आयोजना गरेको स्टेडियम) मा सञ्चालन हुनेछ ।
बिहान ९ बजेबाटै खेल सञ्चालन गरिने उक्त प्रतियोगिता स्थलसम्म पुग्नलाई खेलाडीहरु र खेलप्रेमीहरुले ट्रेन लाईन नम्बर ३ बाट गुफाबाल स्टेशनमा झरी गेट नम्बर २ बाट हिँडेर १० मिनेटमा उन्फ्योङ्ग खेल केन्द्र पुग्न सकिने आयोजकले जनाएको छ ।
त्यस्तै सबै खेलप्रेमीहरुको सुबिधाको लागि २ नम्बर गेटबाटै स्टेडियमसम्म बाटो पहिल्याउनका लागि एरो चिन्ह समेत राखिने बताईएको छ ।
प्रतियोगिता अवधीमा भाग्यशाली चिट्ठा कार्यक्रम समेत गरिने छ । संस्थाका सह–सचिव मित्रबन्धु काफ्ले, उपाध्यक्ष याम गुरुङ् र सदस्य मणि खनालले चिट्ठा कार्यक्रमको जिम्मेवारी लिएको र बिक्री बितरण समेत तिब्र भईरहेको बताईएको छ ।
सो अवसरमा खेलाडी र दर्शकको सुविधाको लािग खाना व्यवस्थापनको जिम्मेवारी संस्थाका कोषाध्यक्ष टेक राना, निवर्तमान उपाध्यक्ष हिमानी गुरुङ्, सदस्य द्धय सपना शर्मा र कल्पना गुरुङलाई तोकिएको छ ।
