एनआरएन एसिया प्यासीफिक क्षेत्रिय उप संयोजकमा सुवेदीको उम्मेदारी केको लागि ?

गैर आवासीय नेपाली संघ एनआरएनको आगामी अक्टोबर २३ देखि २५ सम्म हुने १० औ विश्व सम्मेलनको चर्चा चुलिदो छ । एनआरएनको नयाँ कार्यसमिति चुनिने सो सम्मेलनमा उम्मेदारी घोषणा गर्ने र जीतको पहल गर्ने हरप्रयासहरु जारी छन् । हरेक उम्मेदारहरुले आ आप्mनो प्रतिबद्धता संचारमाध्यम मार्फत सार्वजनिक गर्नेक्रम पनि जारी नै छ ।

यसैक्रममा दक्षिण कोरियाबाट एसिया प्यासीफिक क्षेत्रिय सह संयोजको लागि उम्मेदारी घोषणा गरेका यज्ञराज सुवेदीले पनि प्रतिबद्धता जाहेर गरेका छन् । उनले उम्मेदारी घोषणा कार्यक्रममा बोल्दै एसिया प्यासीफिक क्षेत्रिय समितिलाई व्यवस्थीत गर्नु पहिलो लक्ष्य रहेको बताएका छन्. । क्षेत्रिय समितीको सम्पर्क कार्यलय स्थापना गर्ने र आगामी कार्ययोजना तर्जुमा गरी आर्थिक बजेट निमार्ण गरेर समितीलाई व्यवस्थीत गर्ने स्पष्ट पारे ।

दक्षिण कोरियाबाट शुरु गरिएको दोस्रो पुस्तालाई नेपाली भाषा, कला र संस्कृती सिकाउने विद्यालय संचालनलाई नेपाल सरकारसंगको समुन्वयमा एसियाको अन्य देशमा पनि फैलाउने उनको दोस्रो लक्ष्य रहेको बताए । बैदेशिक रोजगारीमा रहेका नेपालीहरुलाई सामाजिक सुरक्षा कोषमा संलग्न गराउन पहल गर्ने र विदेशमा आर्जन गरेको शिप, ज्ञान र धनलाई स्वादेशमा उचित लागनी गरी युवा पुस्तालाई रोजगार बनाउन मुख्य भुमिका खेल्ने सुवेदीको प्रतिबद्धता रहेका छन् ।

नेपालको ताप्लेजुगंमा जन्मेका सुवेदी २६ वर्ष अघि कोरिया प्रवेश गरेका हुन् । प्रवासी कामदारकोरुपमा कोरिया प्रवेश गरेका सुवेदीले एन्थ्रोपोलोजीमा माष्टर डिग्री गरेका छन् । उनले विभिन्न स्थानिय कोरियन संघ संस्थासंग सहकार्यमा अप्रवासी कामदारहरुलाई परामर्श र समस्या समाधान गर्दै आएका छन् । हाल कोरियाको सत्तारुढ दल डेमोक्रेटिक पार्टीका केन्द्रिय उपसमितीमा उपाध्यक्ष पदमा रही अप्रवासी कामदारको अधिकार बारे कार्यरत छन् । सुवदी एनआरएन कोरियाको सातौ कार्यसमिती (२०१९ – २०२१ ) को अध्यक्षमा रहेर संस्थालाई पहिलो पटक कोरियन प्रशासनमा दर्ता गराई एनआरएन कोरियाकै नामबाट बैंकमा खाता खोली आर्थिक कारोबारको शुरुवात गरेका थिए ।