काभ्रे सम्पर्क समिति दक्षिण कोरियाको छौटौ अधिवेशन अगष्ट १ मा हुने
दक्षिण कोरियामा सक्रिय संस्था काभ्रे सम्पर्क समिति दक्षिण कोरियाको छैटौं अधिवेशन आगामी अगस्ट १ मा हुने भएको छ । कोविड -१९ महामारीका कारण अधिवेशन भर्चुअल माध्यम जुम मार्फत हुने जानकारी अध्यक्ष सानू लामाले दिएका हुन् ।
“कोरियामा रहेका सम्पुर्ण काभ्रेलीहरू एक होऔँ,प्रबाशी भुमिको दुख,सुखमा सहयात्री बनौ ” भन्ने मुल नाराका साथ स्थापना भएको उक्त संस्थाको अधिवेशनमा सहभागी हुन कोरियामा रहेका सम्पुर्ण काभ्रेलीहरुलाई सहभागीताका लागि समितिले अनुरोध गरेको छ । “विभिन्न पेशामा आबद्ध सम्पुर्ण कोरियावासी काभ्रेली दाजुभाइ तथा दिदिबहिनीहरु, सल्लाहकार,शुभेच्छुक,ब्यबसायि,पत्रकार ,
कलाकार,विद्यार्थी लगायत खेलप्रेमी खेलाडी साथीहरू यहाँहरुको गरिमामय उपस्थितिको लागि हार्दिक निमन्त्रणा गर्दछु।” अध्यक्ष लामाले भने ।
सन् २०११ मा स्थापना भएको यस संस्थाले हालसम्म निरन्तर विभिन्न सामाजिक कार्यहरूमा सक्रिय सहभागी जनाउँदै आएको छ । कोरोनाको महामारीलाई मध्यनजर गर्दै हालै मात्र नेपालमा काभ्रे जिल्लाका १३ वटा स्थानीय तहहरुलाई २/२ वटा अक्सिजन सिलिन्डर सहित स्वास्थ्य सामाग्री हस्तान्तरण गरिएको थियो ।
