सशक्त दलित एकता समाज दक्षिण कोरियाको अधिवेशन जनवरी १ मा हुने
सशक्त दलित एकता समाज दक्षिण कोरियाको अधिवेशन आगामी जनवरी १ तारिखमा अनलाइन माध्यमबाट हुने भएको छ । कोरोना महामारीका कारण अधिवेशन अनलाइन मार्फत गर्न लागेको समाजका महासचिव अर्जुन परियारले जानकारी दिएका हुन् ।
नेपाली समाजमा सदियौं देखि व्याप्त जातीय विभेद तथा छुवाछूत जस्तो अमानवीय र घृणित गतिविधि निर्मुल पार्ने मुख्य उदेश्यका साथ २०१९ फेब्रुअरीमा समाजको स्थापना भएको हो । “वर्तमान कोरोना महामारीको परिस्थिति लाई मध्येनजर गर्दै जनवरी १ तारिक शुक्रबारका दिन अन्लाईन अधिवेशन गर्ने निर्णय गरेको हो ।” महासचिव परियारले बताए ।
साथै समाजका अध्यक्ष घनश्याम विश्वकर्माले अधिवेशनमा सहभागी हुनका लागि दक्षिण कोरियामा रहेका सम्पुर्ण दलित समुदायलाई सम्पर्कमा आउन समेत अनुरोध गरेका छन् ।
समाज गठन पश्चात् विभिन्न सामाजिक कार्य गर्दै नेपालमा हुनेगरेका जातीय छुवाछूत, भेदभाव एवं दलित प्रती जातका आधारमा गरिने गाली गलौज, घोचपेच देखी लिएर जातिय हत्या, हिंसा र विभिन्न घटना हरुमा समेत संजाल मार्फत समाजले कडा प्रतिवाद गर्दै आएको छ । साथै यस्ता असामाजिक तथा असंवैधानिक र देशको नियम कानुन तथा मानव विरुद्धकै यस्ता गतिविधि प्रति सरकार सजग र संवेदनशील हुनुपर्ने कुरामा जोड दिदै आएको छ । सँगै दलित हक, अधिकार, न्याय र समानताका लागि सम्पुर्ण दलित समुदाय लाई एकीकृत र एकवद्व हुन समाजले प्रेरित पनि गर्दै आइरहेको अध्यक्ष विश्वकर्माले जानकारी दिए ।
