गत छुसकमा भएको सेवा-सेवारो सांगीतिक कार्यक्रमको आयव्यय सार्वजनिक
बुसान कोरिया/ किरात याक्थुङ चुम्लुङ र किरात राई यायोख्का बुसान शाखा दक्षिण कोरियाले गत छुसकमा गरेको सेवा-सेवारो साङ्गितिक कार्यक्रमको आयव्याय सार्वजनिक गरेको छ ।
गत आईतबार लुम्बिनी रेस्टुरेन्ट किम्हेको सभाहलमा विभिन्न संघ-सस्थाहरुको उपस्थितिमा एक अन्तरकृया कार्यक्रम संगै सार्वजानिक गरेको हो । आयोजकले सो कार्यक्रमबाट ३०३२७४५६ वन सङ्कलन गरेको र कार्यक्रममा २९९३४८८० वन खर्च भएको जनाएको छ ।
“हाम्रो पहिचान संस्कार निकाश सहितको अभियान नेपाली कला संस्कृतिलाई गरौं सम्मान” भन्ने मुल नाराका साथ नेपालमा रहेको अनाथ बाल आश्रम सहयोगार्थ गत छुसक अर्थात २०१९ सेप्टेम्बर १२ का दिन बुसान किम्हेमा “सेवा-सेवारो साङ्गितिक कार्यक्रम” गरेको थियो । यस आयव्यय सार्वजनिक अगाबै ईलाम नगर पालिका ९ ईलाममा अबस्थित २०६८ सालमा स्थापित भइ ८ छोरा र ७ छोरी रहेको “राहसल बाल अनाथालय” लाई सहयोग स्वरुप ४००००० वन सहयोग गरेका जनाएको छ ।
किरात याक्थुङ चुम्लुङ र किरात राई यायोख्खा बुसान शाखा दक्षिण कोरियाले अयोजना गरेको कार्यक्रमलाई भव्य र सभ्य रुपमा सफल तुल्याउन सहयोग गर्ने सम्पुर्ण संघ सस्था, मिडिया, प्रायोजक, शुभेच्छुक तथा दर्शकलाई समेत धन्यवाद ज्ञापन गरेको छ । आयोजकले भने । ‘बाकी रहेको मुनाफा घोषित उद्देश्य मै खर्च गरिने छ । आफुले घोषणा गरेको सहयोग रकम अविलम्ब बुझाएर सहयोग गरिदिनु हुन पनि हार्दिक आग्रह गर्दछौ ।’
