नुवाकोट समाज दक्षिण कोरियाद्वारा नेपालमा स्वास्थ्य सामाग्री वितरण
नुवाकोट समाज दक्षिण कोरियाले आफ्नो गृह जिल्लामा स्वास्थ्य सामाग्री वितरण गरेको छ । नुवाकोट जिल्लाको १२ ओटै तहको स्वास्थ्य संस्थाहरूमा स्वास्थ्य कर्मीहरुका लागि आवस्यक सामग्री वितरण गरिएको समाजका अध्यक्ष राज दोङ तामाङले जानकारी दिएका हुन् ।
गत शुक्रबार (जेष्ठ २३ गते) जिल्ला स्वास्थ्य प्रमुख, समन्वय परिषद प्रमुख, जिल्ला प्रशासनको अधिकारी लगायतको रोहवरमा समाजका प्रतिनिधि यदु कुमार गिरि र गोकर्ण रिजालले स्थानिय तहहरुको प्रमुख तथा प्रतिनिधीहरुलाई सामाग्री हस्तान्तरण गरिएको हो ।
समाजले नुवाकोट जिल्लाको २ वटा नगरपालिका र १० वटा गाउँपालिकामा रहेको ८६ स्वास्थ्य चौकीहरु, उप स्वास्थ्य चौकी, त्रिशुलि अस्पताल, खरानिटार अस्पताल, समुन्द्रटार अस्पतालमा अहोरात्र तल्लिन स्वास्थ्य कर्मीहरुको लागि सहयोग गरेको हो ।
वितरण गरिएको सामाग्रीमा ९६ थान पिपिइ , १७ थर्मल गन(infrared thermometer Gun) १७१ थान स्यानिटाइजर(५ सय एमएल), ४८ सय जोडि सुरक्षित पन्जा, २५ सय १० थान माक्स(kn95) रहेको छ ।
‘यस्तो विषम परिस्थितिमा कोभिड- १९ जस्तो प्राणघातक महामारी बाट सुरक्षित भएर काम गर्न स्वास्थ्य कर्मीहरुलाई थप हौसल्ला र मनोबल बढने र जिल्लाको सबै तहमा थोरै भए पनि राहत मिल्ने बिश्वास ब्यक्त गर्दछ ।’ अध्यक्ष दोङले भने । साथै परदेशबाट आफ्नो देश तथा जिल्लामा सहयोग गर्न पाउँदा खुशी रहेको उनले बताए ।
साथै अभियान संयोजक सुन्दर प्रसाद अधिकारीले कोरियामा रहेर समाजको अभियानमा एक्यवद्धता जनाई प्रत्यक्ष, अप्रत्यक्ष सहयोग गर्ने नुवाकोटका सम्पुर्ण सहयोगी लगायत सहयोगमा सहभागी भएका गैर नुवाकोटबासीहरुमा पनि आभार ब्यक्त गरेको छ ।
अभियान बाट ७७ जना सहयोगिहरुबाट ५४ लाख ९१ हजार ५ सय ६७ वन संकलन भएको थियो । खर्च भने ७१ लाख ८३ हजार एक सय ३१ वोन अर्थात नेपाली ६ लाख ९७ हजार ४ सय ३० रुपियाँ खर्च भएको छ । समाजको मौज्दात रकमबाट नपुगेको रकम थप गरिएको जानकारी संयोजक अधिकारीले जानकारी दिए ।
स्थापनकाल देखि नै सामाजिक कार्यहरुमा सक्रिय रहेको नुवाकोट समाजले स्वदेश तथा कोरियामा आपत विवाद पर्दा विभिन्न हिसाबले सहयोग गर्दै आएको छ । भुकम्पको बेला पनि कोरिया बाट नेपालमा सहयोग गरेको थियो ।
साथै नुवाकोट समाजले गत २०१९ को सलनालमा गरिएको साङ्गितिक सौगात कार्यक्रमको मुनाफाले जिल्लामा एम्बुलेन्स सेवा सुचारु गर्नको लागि मदनपुर युबा क्लबसँग सम्जौता भएको समाजको सचिव टंक राना मगरले जनाएको छ । ‘एम्बुलेन्स खरिदका लागि रकम बिनियोजित गरेर बाकी रहेको मध्ये १६ लख ९१ हजार ५ सय ६४ वन स्वास्थ्य सामाग्री खरिदमा खर्च गरेको हो ।’ मगरले भने ।
साथै एम्बुलेन्स खरिद सम्बन्धमा सम्पुर्ण खरिद प्रक्रिया पुरा भएपछि सबै हिसाब सार्वजनिक गर्ने सचिव मगरले बताएको छ ।
