कोरियामा मोटर साइकल दुर्घटनामा दुई नेपालीको मृत्यु
फोनिज कोरिया संवाददाता
सोल- दक्षिण कोरियामा मोटर साइकल दुर्घटनामा दुई नेपाली कामदारको ज्यान गएको छ | आइतबार बेलुकी ६ .१० बजेतिर ग्यङसाङ प्रदेशको होवाङसान भन्ने ठाउँममा भएको मोटरसाइकल दुर्घटनामा परेर स्याङजा बिरुवा अर्चले वार्ड न ६ का भिमसेन केसी र नवलपरासी जिल्लाका सुनौल हर्दियाका रामबहादुर सिंजाली मगरको घटनास्थलमै मृत्यु भएको हो ।
दुई दिनपछि नेपाल फर्किन लागेका साथीहरुलाई बिदाइ गर्न ओक्सन पार्क जादै गरेका उनीहरु चढेको मोटरसाइकल अनियन्त्रित भएर पार्क नजिकै दुर्घटनाग्रस्त भएको त्यहाँ रहेका एक नेपालीले बताए | मृतकको घरपरिवारलाई खबर दिएको पनि ती नेपालीले जानकारी दिए |
रोजगार अनुमति प्रणाली (ईपीएस) बाट आएर एक कार्यकाल पुरा गरेका केसी र सिंजाली एकै कम्पनीमा कार्यरत थिए | भिसा अवधि सकिएपछि केसीले शरणार्थी भिसा बनाएका थिए भने सिंजाली अबैधानिक हुन् | केसीको शव सामसुङ अस्पतालमा र सिंजालीको शव छाम्यङ अस्पतालमा राखिएको छ |
स्थानीय प्रहरीले घटनाको प्रारम्भिक प्रतिबेदन सोलस्थित नेपाली दूताबासलाई पठाई सकेको छ | घटनाको बिस्तृत बिबरण आएपछि मात्र दुर्घटनाको कारण थाहा हुने उपनियोग प्रमुख राजाराम बर्तौलाले जनाए |
