काभ्रे सम्पर्क समिति दक्षिण कोरियाको चियापान तथा वार्षिक साधारणसभा सम्पन्न
सम्पुर्ण काभ्रेली एक हौ ,समस्त काभ्रेको बिकाशमा टेवा पुर्याऔ, भन्ने मुल नाराका साथ जनवरी २४ तारिखका दिन सस्थाकोकाभ्रे सम्पर्क समिति दक्षिण कोरियाको वार्षिक साधारण सभा तथा चियापान कार्यक्रम कोरियाको राजधानी सौल स्थित नमस्ते रेस्टुरेन्ट मा सम्पन्न भएको छ ।
साथै गत बर्षको छुसकमा धादिङ् समाज कोरिया र काभ्रे सम्पर्क समिती द. कोरियाले संयुक्तरुपमा आयोजना गरेको कार्यक्रम “रिदम लाईभ कन्सर्ट” बाट आर्जन गरेको मुनाफा बाट काभ्रेको ग्रामिण भेग महाभारत गाउपालिकाको लागि एम्बुलेन्स खरिद गर्न दिने भनिएको सहयोग रकम नदिने भएको छ ।
महाभारत गाउँपालिका र काभ्रे सम्पर्क समिति दक्षिण कोरियाको सहकार्यमा एम्बुलेन्स खरिद गर्ने सहमती अनुरुप एम्बुलेन्स खरिद प्रक्रिया १ बर्ष अगाडिनै सुरु भएको थियो । तर समितिबाट काम छिटो गराउन बारम्बार ताकेता गरेपनि गाउपालिकाले कुनै सुनुवाई नगरेकाले हाललाई उक्त प्रक्रिया स्थगित गरेको जनाएको छ । गाउँपालिकाको ढिला सुस्ती र कुनै किसिमको प्रतिक्रिया नआएको हुँदा संस्थाको साधारण सभाको भेलाबाट स्थगित गरिएको जानकारी अध्यक्ष सानु लामाले दिएका हुन । उक्त भेलाले हाललाई संस्थाको रकम अर्को निर्णय नभएसम्मका लागि संस्थकै मातहतमा रहने गरि निर्णय गरिएको हो ।
त्यस्तै साधारण सभा बाट संस्थाको खाली रहेको उपाध्यक्ष पदमा बिबेक फैजुलाई नियुक्त गरेको छ भने राज थापालाई सल्लाहकारमा नियुक्ति गरेको छ ।
कोरियाको ब्यस्त समयको बाबजुद कार्यक्रमलाई सफल पार्न उपस्थित भएका सम्पुर्ण बुद्धिजीवी, ब्यावसायी, विद्यार्थी , पत्रकार, मजदुर, कलाकार लगायत सम्पुर्ण संस्थाका अध्यक्ष सानु लामाले हार्दिक आभार प्रकट गरेका छन् ।
