कोरियामा ‘म्हेनिङ’को शुभकामना आदानप्रदान
कोरियामा रहेका तामाङहरुले अाफ्नाे मौलिक पर्व ‘म्हेनिङ’ पर्वको शुभकामना आदानप्रदान गरेको छ । असाेजमा पर्ने याे चाड तामाङ समुदायकाे झै मान्ने चलन छ ।
सउलमा नेपाल तामाङ संघले एक कार्यक्रम गर्दै म्हेनिङको शुभकामना आदानप्रदानसँगै छलफल गरेको थियो । छलफलको क्रममा बक्ताहरुले म्हेनिङको बारेमा रहेका विभिन्न पुस्तक, अनुसन्धानमुलक लेख रचना सबैले अध्ययन गरी तामाङ समुदायले विधिगत रुपमा मनाउनुपर्ने बताए । उनीहरुको अनुसर यो हाम्रो मौलिक, पहिचान र पुर्खाको पर्व भएको कारणले अहिले यो पुस्ताका समुदायले पनि मनाउनु पर्ने बताए ।
सम्भवतः प्रवासी भूमिमा यस पर्व बारे यो पहिलो शुभकामना आदानप्रदान कार्यक्रम रहेको अतिथिहरुको भनाइ थियो । आयोजक संस्था तामाङ संघका अध्यक्ष मेघप्रसाद वाइबाले अबको दिनमा पर्वको बारेमा छलफल तथा शुभकामना आदानप्रदानलाई निरन्तरता दिने बताए ।
कार्यक्रममा हालै निर्वाचित गैरआवासीय नेपाली संघ राष्ट्रिय समन्वय पदिषदका उपाध्यक्ष सोमबहादुर वाइबा, सचिव राजकुमार स्याङ्तान, नेपाल आदिवासी जनजाती महासंघ कोरियाका पूर्वाध्यक्ष चित्रबहादुर मोक्तान, सउल नेपाल गुम्बाका लामा प्रमुख कुन्साङ लामा, प्रदेश नं.३ एकता समाजका अध्यक्ष किशोर ब्लोन ‘नियोग’, काभ्रे सम्पर्क समितिका अध्यक्ष सानु लामा, नुवाकोट समाजका अध्यक्ष राज दोङ र पाँसका अध्यक्ष भवश्वी बम्जनले अाअाफ्नाे भनाइ राखेका थिए ।
कार्यक्रममा हालै निर्वाचित गैरआवासीय नेपाली संघ राष्ट्रिय समन्वय पदिषदका उपाध्यक्ष सोमबहादुर वाइबा र सचिव राजकुमार स्याङ्तानलाई नेपाल तामाङ संघले दोसल्ला र खादा लगाएर सम्मान गर्दै कार्य सफलताकाे शुभकामना दिए ।
