रियल फ्रेन्डस् ग्रुपद्वारा कोरियामा कबड्डी-३ प्रदर्शन गरिने
नेपाली चलचित्र जगतमा पहिलो दिन सबैभन्दा धेरै कमाउने रेकर्ड ब्रेक गरेको चलचित्र कबड्डि ३ कोरियामा पनि प्रदर्शन गरिने भएको छ। उक्त चलचित्रलाई रियल फ्रेन्डस ग्रुपले अक्टोबर ६ तारिख प्रदर्शन गर्ने भएको छ। अनाथ वालवालिकाको सहयोगार्थ चलचित्र प्रदर्शन गर्न लागिएको जानकारी ग्रुपका एडमिन पवित्रा थेवेले जानकारी दिएकी छिन्।
दर्शकको इच्छालाई मध्यनजर गर्दै चलचित्र प्रदर्सनमा कुनै औपचारिक कार्यक्रम नहुने भएको छ भने शो तोकिएकै समयमा दिउँसो ठिक १ बजेदेखि हुनेछ। चलचित्र भवन 종로구민회관 सउल दोङ्देमुन गेट नं ३ बाट हिडेर ५ मिनेटमा पुग्न सकिने छ। थप जानकारीको लागि पबित्रा थेबे (०१०-३४०३-६०८२) लाई सम्पर्क गर्न सकिने छ।
लोकप्रिय कलाकार दयाहाङको मूख्य भूमिका रहेको यस चलचित्रका अगाडिका २ सिक्वेलपनी सुपरहिट भएका थिए। कोरियामा रहेका सम्पूर्ण नेपाली दाजुभाइ तथा दिदिबहिनिहरूलाइ उपस्थिति भइ भव्यरूपमा शो सफल बनाइदिनका लागि आयोजकले अनुरोध गरेको छ।
सामाजिक सञ्जाल फेसबूकमा सक्रिय यो ग्रुपले विभिन्न सामाजिक कार्यहरु गर्दै आइरहेको छ।
