बस दुर्घटनामा परि १० कोरियनको मृत्यु

निश्चल काउचा

सोल – चाईनाको पूर्वीउत्तर क्षेत्रमा भएको बस दुर्घटनामा परि १० कोरियन नागरिकको मृत्यु हुनाको साथै अरु केही गम्भीर घाईते भएको परराष्ट्र मन्त्रालयले जनाएको छ |

२६ जना कोरियन नागरिक बोकेको बस पूर्वीउत्तर चिनियाँ शहर जियनको एक पुलवाट लगभग १५ मीटर तल नदीमा खसेर दुर्घटनाग्रस्त भएको थियो | बस सिमावर्ती शहर दानदोङको लागि छुटेको थियो |
उनीहरु एक प्रशिक्षण कार्यक्रममा भाग लिनको लागि त्यहाँ यात्रारत थिए | दुर्घटनाको कारण खुल्न सकेको छैन |