तमु धीं दक्षिण काेरियाले गर्ने चौथो रोधी सांगीतिक सौगात कार्यक्रमको तयारी तीब्र

तमु धीं दक्षिण कोरियाले छुसकको दोस्रो दिन अर्थात सेप्टेम्बर १३ मा गर्ने चौथो रोधी सांगीतिक सौगात कार्यक्रम तयारी तिब्र रुपमा भैरहेको आयोजकले जनाएका छन् । आइतबार सउलमा भएको पत्रकार सम्मेलनमा सो कुरा जानकारी गराएका हुन् ।
‘हामीले सबै कलाकारको डकुमेन्टहरु पठाई सकेको छौं । हामीले ल्याउँछाै भनेकाे सबै कलाकार कोरिया आउनु हुन्छ ।’ तमु धीं दक्षिण कोरियाका अध्यक्ष जीत गुरुङले भने । ‘कार्यक्रम भव्य बनाउने प्रयासमा छौं । यसकाे लागी दक्षिण काेरियामा रहेका सबै नेपालीले अार्थिक, भाैतिक र नैतिक सहयाेग गर्नु हुन्छ भन्ने अाशा लिएका छाै । हाम्राे  कार्यक्रम हुने हल पनि दिङदेमुन देखि एक स्टेशन मात्रै टाढा  छ ।’ उनले थपे ।
तमु धीं दक्षिण कोरियाका संरक्षक भीम गुरुङले विगतलाई सम्झदै तमु धीं पुरानो संस्था भएको र धेरै सामाजिक काम गरेको सुनाए । ‘पहिले संस्था सुरु गर्ने समयमा हामीले गुरुङ दाजुभाइ दिदी बहिनी सँग भेटेर परिचय गर्नलाई सुरु भएको हो । साथीभाइ नै थिएनन । भएका एकदमै टाढा टाढा थिए ।’ उनले भने । ‘अहिले संस्था ठूलो भएको छ सामाजिक कामहरु पनि भएका छन् । यसरी नै गर्ने सांस्कृतिक कार्यक्रमहरुबाट उठेको पैसाबाट नै सामाजिक कार्य गर्ने हो । त्यसैले सबैले सहयोग गर्नु हुन्छ भन्ने हामीले ठानेका छौ ।’ उनले थपे ।
नेपाली सम्पर्क समितिका वरिष्ठ उपाध्यक्ष श्रीप्रसाद श्रेष्ठ र नेपाल आदिबासी जनजाति महासंघका अध्यक्ष युगेल शेर्पाले पनि कार्यक्रम सफलताको शुभकामना सहित कार्यक्रम बाँडफाँडमा आफ्नो संस्थाले खेलेको भुमिकाका बारेमा प्रष्ट पारेका थिए ।