हलेसी रनिङ कप जुलाई १२ मा, १६ टिम भिड्दै

भरत तुलाचन

सोल-खोटाङ सेवा समाज कोरियाले खेलकूद बिकास तथा आपतकालिन राहत कोष निर्माण सहयोगार्थ आगामी जुलाई १२ तारिख आईतबारको दिन आयोजना गर्न गई रहेको हलेसी रनिङ कप २०१५ को टाईशीट सार्बजनिक गरेको छ ।

गत २८ तारिख आईतबारको दिन राजधानी सोलको तोङदेमुन स्थित लक्ष्मी रेष्टुरेण्टमा सम्पन्न गोलाप्रथा कार्यक्रममा उपस्थित सहभागी १६ टीमकै प्रतिनिधिहरुको उपस्थितिमा खेल टाईशीट तयार गरिएको हो ।

पूर्ब सूचना र नियमानुसार जुन ५ तारिख आईतबारको दिन आयोजना गरिनुपर्ने उक्त आयोजना हल ब्यबस्था लगायत कोरियामा फैलि रहेको महामारी रोग मर्सको कारण एक हप्तापछि अर्थात जुलाई १२ तारिखको दिन सारिएको जानकारी प्राप्त भएको छ । खोटाङ सेवा समाजका अध्यक्ष अमृत राईले दिएको जानकारी अनुसार कूल १६ टीमले सहभागिता जनाएको यस आयोजनामा समय अभाव हुन सक्ने सम्भावनालाई मध्यनजर गर्दै बिहान ठीक ९ बजेदेखि खेल संचालन गरिने छ । टाईशीट अनुसार आयोजनाको पहिलो खेल आयोजक टीम खोटाङ सेवा समाज र गुल्मी सम्पर्क समिति बिच प्रतिष्प्रर्धा हुने छ भने दोश्रो खेल पर्वत प्रवासी सेवा समाज र स्याङजा परिवार बिच प्रतिष्प्रर्धा हुने छ ।

यस आयोजनामा समाबेश गरिएको भाग्यशाली चिट्ठामा लेखिएको मिति जुलाई ५ तारिख भएको भएता पनि उक्त चिट्ठाको नतिजा खोटाङ हलेसी रनिङ कप २०१५ आयोजना दिन अर्थात जुलाई १२ तारिख खोलिने छ । खेलकूद बिकास तथा आपतकालिन राहत कोष निर्माण गर्ने लक्ष सहितको यस आयोजनामा कोरियामा रहेका सम्पूर्ण संघ संस्थाहरु, बुद्दीजिवी ,ब्यापार व्यवसायीहरु, बिधार्थी ,पत्रकार लगायत सम्पूर्ण प्रवासी नेपाली दाजुभाई तथा दिदी बहिनीहरुलाई उपस्थित भई भब्य रुपमा सफल पारि दिनु हुन हार्दिक अनुरोध गरिएको छ ।

स्थान:

헤화 여자 고등 학교 서울

( Hyehwa Girls` High School )

मिति: १२ जुलाई २०१५

समय: बिहान बिहान ९ बजे देखि ।

हलमा जाने तरिका: ट्रेन लाईन नम्बर ४ को सुयु स्टेशनको ५ नम्बर गेटबाट अगाडी १० मिनेट हिंडेर पुगिने ।

वा तोङदेमुनको ३ नम्बर गेट निरको बिचबाट १५२, १२ र १४४ नम्बरको बस चढ्नु भएमा बसको लास्ट स्टेशनमा झरेर पनि आयोजना स्थल पुग्न सकिन्छ ।