फाेनिज काेरियाले दक्षिण काेरियाका जातीय संस्थाहरूसँग पहिचान संवाद श्रृङ्खला गर्याे
नेपाल आदिवासी जनजाति महासंघ (फोनिज) दक्षिण कोरियाले पहिचानको आन्दोलनमा प्रवासमा जातिय संस्थाहरुको भूमिका विषयक ‘पहिचान संवाद श्रृङ्खला’ कार्यक्रम गरेकाे छ । आइताबार सउल दोङदेमुनको दर्शन नमस्ते रेष्टुरेण्टको सभा हलमा यहाँ रहेका बाह्रा जातिय संघ संस्थाहरुको अध्यक्षहरुलाई राखेर खुल्ला संवाद गरेको हो ।
संवादमा फानिजका सल्लाहकार यम श्रीस् मगरले फोनिजले गरेका काम र फाेनिज काेरिया न्युज पोर्टलबारे संक्षिप्तमा जानकारी गराएका थिए । कार्यक्रममा स्वागत तथा कार्यक्रमबारे फोनिजका सचिव सिमा लामाले छोटकारीमा जानकारी दिएका थिए ।
संवादमा नेपाल आदिवासी जनजाति महासंघ दक्षिण कोरियाका अध्यक्ष युगेल तेन्टुप शेर्पा, नेपाल मगर संघ दक्षिण कोरियाका अध्यक्ष सिपी मगर, तमु धीं दक्षिण कोरियाका अध्यक्ष जीत गुरूङ, नेपाल तामाङ संघ, दक्षिण कोरियाका अध्यक्ष मेघप्रसाद वाइबा तामाङ, किरात रार्इ यायोख्खा दक्षिण कोरियाका अध्यक्ष बाल कृष्ण बान्तवा, किरात याक्थुङ चुम्लुङ दक्षिण कोरियाका अध्यक्ष सुन्दरदिप आङदेम्बे, थारू कल्यानकारिणी सभा दक्षिण कोरियाका उपाध्यक्ष शिव शंकर महतो थारू, ह्योल्मो सेवा समाज दक्षिण कोरियाका अध्यक्ष बाबु ज्याबा ह्योल्मो र नेपाल शेर्पा संघ दक्षिण कोरियाका महासचिव थुप्तेन ग्याल्जी शेर्पा वक्ताका रूपमा उपस्थिति थियो । सहजिकरण भने फोनिजका अध्यक्ष गोकुल थोकरले गरेका थिए ।
संवादमा नेपाल आदिवासी जनजाति महासंघ दक्षिण कोरियाका अध्यक्ष युगेल तेन्डुप शेर्पाले अहिले नेपालका विभिन्न जातजातिहरुले विगतमा राज्य सत्ताले एकात्मक ढाँचले खोसिएको पहिचान खोज्ने आजको आन्दोलनको औचित्य रहेको प्रष्ट पारे । उनले खासमा लोकतन्त्रको व्यवस्थामा पनि आम मानिसले जातिय पहिचान बारे स्पष्ट नबुझेका बताए ।
संवादमा आफ्नो पहिचानको निरन्तर रुपमा विभिन्न साँस्कृतिक तथा राजनैतिक तरिकाले अघि लम्किरहेको बताएका छन् । उनीहरुले आदिवासी जनजातिहरुले कुनै समयमा पहिचानको मुद्धा जित्ने बताएका छन् भने त्यसको समय ढिलो चाँडो हुने मात्रै रहेको बताए । नेपालमा बहुजातिय, बहुभाषिक, बहुसाँस्कृतिक भएको देश रहे पनि अहिलेसम्म राज्य सत्ताका शासकहरले दमन, भेदवाभ गरिरहेका अवस्था रहेको अध्यक्षहरुको भनाई थियो । उनीहरुले आदिवासी जनजातिहरु जहाँ रहेपनि साँस्कृतिक, सामाजिक, भाषिक, भेषभुषा तथा साँगीतिक तवरले पहिचानलाई संरक्षण र प्रबद्र्धन गर्दै आएको बताए । अबको दिनमा प्रवासमा सांगीतिक मनोरञ्जन कार्यकक्रम मात्र होइन, सैद्धान्तिक तरिकाले मूलधारको विषयमा कार्य गर्दै जाने अध्यक्षहरुले बताएका छन् ।
