नेपाली सम्पर्क समितिले आउदो छुसकका लागि सांस्कृतिक कार्यक्रम बाँडफाँड गर्यो
हरेक बर्ष जस्तै यस बर्षको छुसकका लागि पनि नेपाली सम्पर्क समिति कोरियाले सांस्कृतिक कार्यक्रम बाँडफाड गरेको छ। आइतबार सउलको नेपाल हाउसमा भएको कार्यक्रमबाट ३ संस्थालाई सांस्कृतिक कार्यक्रम आयोजना गर्न दिने निर्णय गरेकोछ।
छुसककाे पहिलाे दिन सेप्टेम्बर १२ तारिख सिन्धुपाल्चोक,दाेलखा र रामेछाप सम्पर्क समितिले, सेप्टेम्बर १३ तारिख तमुधिं कोरिया र सुदुर पश्चिम समाजले कार्यक्रम गर्ने भएका छन्। सांस्कृतिक कार्यक्रम गर्न मधेशी काेरिया समाज र भक्तपुर समाजले पनि आबेदन हालेकाे भए पनि अर्को पटक सांस्कृतिक कार्यक्रम आयोजना गर्दा सहयोग आदानप्रदान गर्ने सहमतिमा निबेदन फिर्ता लिएका थिए।
नेपाली सम्पर्क समिति कोरियाकी अध्यक्ष अञ्जु केसीकाे संयोजकत्वमा गठित निर्णायक मण्डलले उक्त निर्णय गरेको हो। निर्णायक मण्डलमा सदस्य चित्र मोक्तान, युगेल तेण्डुप शेर्पा, डा. अग्निराज कोइराला, रञ्जनराज कुंवर, श्रीप्रशाद श्रेष्ठ र किशोर ब्लोन रहेका थिए।
एनआरएनए एसिया प्यासिफिक उपसंयोजक बिनोद कुंवरको प्रमुख आतिथ्यतामा भएकाे कार्यक्रममा नेपाली सम्पर्क समितिकि अध्यक्ष अञ्जु केसीको अध्यक्षतामा कार्यक्रम बाँडफाड भएको हो। उपस्थित सम्पुर्ण अतिथिहरुलाइ एनसिसिका बरिष्ठ उपाध्यक्ष श्रीप्रशाद श्रेष्ठले स्वागत मनतब्य राखेका थिए । त्यस पछि दक्षिण काेरियाकाे बिभिन्न संघसंस्थाका प्रतिनिधिले सम्बाेधन गरेका थिए भने सचिब सुन्दर पन्थीले कार्यक्रम संचालन गरेका थिए।
