थेगुमा ईपीएस युथ नेपालको आयोजनामा Hostel Returns चलचित्र प्रदर्सन हुदै |

सौल – फोनिज कोरिया सम्बाददाता
डोल्मा शेर्पाको सहयोगार्थ ईपीएस युथ नेपाल (EYN) को आयोजनामा बहुचर्चित नयाँ नेपाली फिल्म Hostel Returns यहि अक्टोबर ११ तारिख आइतबारको दिन कोरियाको तेस्रो ठूलो सहर थेगुमा प्रदर्सन हुँदैछ |
 
बिगत लामो समय देखि चरणबद्द रुपमा उपचारको क्रममा सुवन स्थित अस्पतालको सैयामा रहेकी  दोलखा निबासी डोल्मा शेर्पाको आर्थिक अबस्था धेरै कम्जोर रहेको र उपचारको लागि अझै धेरै रकमको आवस्यकता पर्ने अबस्था देखिएकोले ईपीएस युथ नेपालले उहाँको सहयोगार्थ यो कार्यक्रमको आयोजना गरीएको  हो। कार्यक्रमबाट बचत  भएको सबै  रकम सस्थाले प्रत्यक्ष भेटेर बोन म्यारो क्यान्सरबाट पीडित डोल्मालाई हस्तान्तरण गर्ने निर्णय गरेको  छ। बोन म्यारो क्यान्सर बाट पीडित डोल्मा बिगत बर्ष दिन देखि चरणबद्द रूपमा उपचारको क्रममा रहेकी छन् ।अबको चरणमा अप्रेसनपछि उनको बोन म्यारो ट्रान्स्प्लान्ट गर्ने रहेको छ।यसको लागि धेरै रकमको आवश्यक पर्ने भएकोले सहयोगको लागी डोल्माले सबै संघ सस्था संग  अनुरोध गरेकि  थिए ।
 
 
अक्टोबर ११ आइतबारको दिन थेगु स्थित सबु मुन्ह्वा सेन्टर ( रेशम फिलिली र कोहिनुर चलेको ) हलमा दिनको १ बजेबाट प्रदर्सन हुन गइरहेको हुनाले संस्थाका  संयोजक  आङ दोर्जे शेर्पाले समयमै उपस्थिति जनाईदिएर कार्यक्रम सफल पारिदिनको लागी सबै संघ सस्थाका पदाधिकारीहरु,आयोजक पक्ष ,पत्रकार तथा दर्शकबृन्दहरुमा हार्दिक अनुरोध गरेका छन् | कार्यक्रम आयोजनाको लागि सहयोग गर्नुहुने सस्थाका सचिब सन्तोष घिमिरे,सस्थाका सदस्यहरु सन्तोष तामाङ तथा रिन्जी शेर्पा, सिन्धु समाजका अध्यक्ष एल बि श्रेष्ठ, NPRIK का अध्यक्ष ज्ञानेन्द्र गुरुङको साथै कार्यक्रमको लागि प्रबन्धक तारा रेस्टुरेन्टका चिरञ्जीवी पान्डे तथा बालाजी रेस्टुरेन्टका मानसिङ गुरुङ्प्रती आभार व्यक्त गरेको छ। कार्यक्रमको लागि एनआरएन ख्यङ्बुक(थेगु),नेपाल अन्नपूर्ण सेवा समाज र ओखलढुंगा सेवा समाज जस्ता सस्थाहरुको सहयोग रहेकोे छ भने सस्थाले अन्य सस्थाहरु संग पनि बिरामी डोल्माको सहयोगको लागि ध्यानाकर्षण गरेको छ।