गायिका सीता रानाको नयाँ कोशेली 'उनी मेरै हुन्'
नरेन्द्र रौले
काठमाडौं-बुटवललाई कर्मथलो बनाएर गायन क्षेत्रमा सक्रिय सीता रानाले तीजको नयाँ कोशेली उनी मेरै हुन् बजारमा ल्याएकि छिन् । यो उनको आठौं साँगितिक कोशेली हो । यस गीतमा उनलाई गायक खुमन अधिकारीले स्वरमा साथ दिएका छन् ।
सूर्य न्यौपानेको शब्द रहेको उनी मेरै हुन् गीतमा लय तथा स्वर खुमन अधिकारीको रहेको छ । त्यस्तै यस गीतको म्युजिक भिडियोमा रश्मी तामाङ तथा बब्बु थापाले अभिनय गरेका छन् । केही दिनभित्रै यो गीत युट्युबमा पनि उपलब्ध हुनेछ ।
गायिका सीताले यसअघिको तीजमा ‘सरी ल’ गीत बजारमा ल्याएकि थिइन् । त्यस्तै सँगै जिउने हो, बटौली बजारमा, मेरा त बुढाले पैसा दिदैनन्, मलाई केटो चाहिएको पैसावाला हो, लाहुरेको छोरी, तीजका गीत केटाले गाईदिए जस्ता उनका अन्य गीतहरु बजारमा आईसकेका छन् ।
गीत, संगितमै रमाएकि सीताले यसैमा आफ्नो भविष्य बनाउन चाहेको बताइन् । उनले भनिन्, ‘म यहि पेशामा सन्तुष्ट छु । यसैमा आफ्नो भविष्य बनाउन चाहन्छु ।’
